هنا

[فقار الكرخي]

گذلة لليل

والگمره التبات امرايه بخدود السمه اتغني

الگمره المثلي يمكن عاشگه اتغني

المناير سيرت بسكوت باگت چم حزن مني

حزن الناس يشبهني

وذنب الناس يشبهني

وعشگ الناس يشبهني

وغاني الوطن تشبهني

طحت والناس صاحو بيه دورلك سما اتغنيك

واني ادري السفر نسيان

دورلك ضوه يدليك

دورلك جرح للغربه يوجع بيك

دورلك اچفوف اتلچمك من اطيح وتبچيك

خمريه الوجوه وبارده الحيطان

دورلك شته يوازيك

درب ووجوه ضجت لليل ومسامر كحل وعيون

ضحكة مستحه وبيبان حنه الچم نذر مبيوگ
من اشفاف اليغنون

ناوشني الهوه مناغات حدر ضلوعي ديرة ليش

كتبت اسمي ولگيت اشگد چذب بالناس حتى اتعيش

قريت اچفوفي للبيبان شروة بيش

عبرني الوجع صوبين ذمة خوف

ولگيت الدنيا شمرة حيل والگيعان تقره اچفوف

منهدهه استغفرت للطين





م

[انثى مخمليةة]