اكو مريه هنانه متعود عليها
تفتح الباب على گد هاك البديها
ياهو الـ أسئله يگلي باب
اليوم ماهيه ام حجاب
غريبة !
باب باب اسئل عليها شلونها ؟!
اكو مرية هنانة تنطي عيونها !
من كثر ما طيبة وتعرفونها ..
الحمـام يبيض على متونها
هل الـ مرة بس الله يدري
شگد اعزهــا،
من الدُعاء اشبع چنت مو بس خبزها
مو طبـع عدها الغياب
اليوم ماهيـة ام حجاب
غـريبة!
ياسوالفهـا ودفو حچايتها
نجوع ماتنشف ابد دمعاتها
هيـة اذ ماعدهـا من عاداتهـا
اخذ تگطع لگمت وليداتـها ..
مدري چم مرة على بيت
الجـاي رايح
گلبي بزني من لگيت
الباب طايــح ..
گلبي مثل الشمع ذاب
اليوم مـاهية ام حجاب
غـريبة!
من گلبها الـ بي محنـه دروسنه
عمر مـاخلتها تفرغ طوسنـه
هـية ذا مابيها تمسح روسنـا
تودي الحَسين بـ عظمتة يبوسنا
عُمري ماشايف مثـلها ولا اشوفن
چنهـا أمـي ماين عليها من جوعن
مريـه تنطي بلا ححـساب
اليوم ماهيـه ام حجاب
غريبة!
سمه من عيونچ اگُلچ طايـحة
شدي حيلچ روحـي اگُلها البارحة
أيسي ماهـية ام لگُمة المـالحـة
اليوم يابطن ام خبز خُبزتچ رايحة
روحي اشوفچ حـايرة ومدري شتسوين
موتي ياروحي براهـا المن تظليـن
العيشة صارتلچ عذاب
اليوم ماهـية ام حجاب
غريبـة!
كـلمات الشاعر : محمد النواس
رد مع اقتباس
المشاركة الأصلية كتبت بواسطة براءة العشق
