هناك اصدقاء جانو ٢٤ ساعه سوه .
مايتفارقون لهناك والله وتخاربو .
كلمن راح بطريقه ..
لهناك واحد منهم وصل الموت .على فراش الموت وذكره صاحبه كلهم اريد اشوف فلان خابرو علي ذاك ماقبل يجي
كلوله صاحبك واصل الموت ماجه ..
كلوله هسه يجي راح يجي اجه ..
يهدون بي .. ويدري بي هوه مايجي .
فكال بيت من الابوذيه..
اون وشلون اون لجفاك .. وانتم..
وعلى الماتم بعيني وشال وانتم ..
مكبل مستعد للموت .. وانتم..
اجه هسه يجي تهودون بيه . . .
ممرضة في العراق في مستشفى للولادة تقول كنت في
خفارة وعند منتصف الليل جاءت الينا حالة ولادة لأمرأة لم
تكمل العشرين من عمرها. وعندما اقتربت منها كي اولدها
قالت لي (( هالله هالله باليتيم )) فقلت لها. ما قصدك.
فقالت في بطني يتيم عمره ستة اشهر واستشهد والده ولقد
اسماه قبل ولادته واوصاني به !!!!!!!!!!!!!!!!!!!!!!!!!!!!!!!!!!!!!
ثم صمتت الفتاة والدمعة في عينيها وقالت لي تصوري انه
طفلي الاول والمفروض ان يكون فرحة عمري.ولكن قدره ان
يولد يتيم. وقدري ان ابكي لحظة ولادته عكس كل ؟؟؟
الامهات
هاها يولفي اشبيك عاين ليه زين
شوف وكتي اشعمل بيه اخلافك
اوصار عندي اوليد سميته عليك
الجنت اريده اينام فوك اجتافك
(( من مدينة سوق الشيوخ))
حدث خلاف بين الشاعر حسين حافظ ال مري ووالده
فانتقل حسين من بستان والده الى دار اخرى
وعند نضوج التمر انتظر حسين ان يرسل له والده حصته من التمر عند{اللكاط} فلم يرسل له الوالد شيئ
ـ فانتظر {الگصاص} كذلك لم يحصل على شيء
ـ فبعث الى والده بيد مرسال هذه الابوذية:
تظل اعيونّه إعله الدرب رابين
ولا جَنّه إبهَذاك البيت رابين
لَوَن ضِحْكه إلي ويّ اسحاق رابين
جا وَدّه التمر بسلالة إليّة!!!
فكتب الوالد ابوذية وارسلها بيد نفس {المرسال}:
نسيت اللي إبهَذاك العُمُر باراك
ورَبّك لليُبُرْ إلأبــو باراك
لَوَنْ ضِحْكه إليْ وِيّ إيهود باراك
جا مَرْ بالشهر مَرْتيْن بِيّه
ام دار بيها الزمن فكعدت يم ابنها ،، ورا شهرين ابنها حجه وياها ،،
بطريقة الدارمي،،
يكول_الابن
ارد احجي يمه وياج بس لا تزعلين
من باجر نوديج دار المسنين
الام_تكوله
يحبيب اشسويت مني شبدر گول ؟!
بيت ابني رحمة جبير ميلمني معقول ؟!
يكولها_ابنها
اي يمه مرتي تكول تعبتني امك .
صارلها بالشهرين موجوده يمك
تكوله_امه
مرتك ي يمه تكول شعتب عليها !
اعتب عليك شلون ترضى بحجيها ؟!
يكولها_الابن
لا يمه مرتي هواي تعبت خطيه
وسالفتج شما اشوف كلش بطيه
تكوله_امه
يوليدي من شهرين تشگي وتعاني !!
وابطني تسع شهور شايلتك اني ؟!
يكولها_ابنها
ما اكطع اني وياج هم راح امر بيج
صدكيني يمه هواي اريح الج هيج
تكوله_امه
باچر بعيد هوااااي وديني هسه
وبالك تمرني بيوم وديني وانسه
( وختمت_السالفه_تكول )
امشينه بس يفلان خليني اوصيك
البيه مر اليوم باجر يمر بيك ..~
(( من مدينة سوق الشيوخ))
حدث خلاف بين الشاعر حسين حافظ ال مري ووالده
فانتقل حسين من بستان والده الى دار اخرى
وعند نضوج التمر انتظر حسين ان يرسل له والده حصته من التمر عند{اللكاط} فلم يرسل له الوالد شيئ
ـ فانتظر {الگصاص} كذلك لم يحصل على شيء
ـ فبعث الى والده بيد مرسال هذه الابوذية:
تظل اعيونّه إعله الدرب رابين
ولا جَنّه إبهَذاك البيت رابين
لَوَن ضِحْكه إلي ويّ اسحاق رابين
جا وَدّه التمر بسلالة إليّة!!!
فكتب الوالد ابوذية وارسلها بيد نفس {المرسال}:
نسيت اللي إبهَذاك العُمُر باراك
ورَبّك لليُبُرْ إلأبــو باراك
لَوَنْ ضِحْكه إليْ وِيّ إيهود باراك
جا مَرْ بالشهر مَرْتيْن بِيّه
أكو ولد أسمـه "چسوب" ..
هذا چسوب يعيّـش بمنطقة گلش ريفـية ..
بحيث طول عمره ما شايف بس الزرعـات والنعـجات ..
چسوب الله وفقـه ونجح من السادس بالدفرات لأن چان من المخضرمين بالسادس ..
دخل للكـلية وأنصدم گلش بالأجواء الجامعية ..
باوع يمنى يسرى ..
شاف البنات الحلوات النازكات ..
غم گصته وگال أني وين جنت عايش ! ..
كل يوم أصبّح من الصبح ماكو يمي بس الخرفان .
المهم هالـمسكين من دون كل البنات ..
وگعت عـينه على بنـية يهودية أسمها "سـتيلا" ..
أول ما شافها فگ حلگه عليها وأنعجب بيها هواي وگال من كل ولا بد لازم أتزوجها .
فـ بقى يركض وراها وين ماتروح وغبش يوم الصبح .. وراح لـ ستيلا وگـللها :
ستيله يا بعد كل هلي ..
أني أحبج وصدكيني يتلولح يريد يطيح گلبي من أشوفج
وأريد أتزوجج اليوم گبل باجر .
ستيلا صفنت عليه وگلتـله :
أوك ما عندي مشكلة ..
أنت واحد شهم وتخبل ..
بس أكو مشكلة وحدة ..
وهي أنو أني يهودية وأنت مسلم ..
وأهلي ما يقبـلون أتزوج شخص مسلم .
گلـلها يا بنت الناس وحگ القرعان أحبج
ومستعد أصير يهودي بس تصيرين أليه !
ستيلا فرحت گلش لأن لگت شخص يحبها لهاي الدرجـة ..
فـ گـلتله : أوك چسوب تعال للكنيس حتى تحول ديانتك .
يوم الأحد طلع چسوب .. دخل للكنيس ..
أستغرب من شاف أهل ستيلا مطنگرين و ما سلموا عليه .
"لأن أهل ستيلا چانوا كارهيين چسوب وما يردوا يتزوجها ..
فـأتفقوا ويـه الحاخامات على فد طريقة حتى چسوب يبطل و ميـصير يهودي وميتزوجها" ..
چسوب أجاهم وهو متحمس
فـ گالوله اذا تريد تصير يهودي فـ عدنا شروط لازم تـنفذها ..
گـللهم گولوا وأني بالخدمة ..
گلـوله عدنا هاي بحيرة بيها مي ..
لازم تغطس بيها من البداية وتطلع من الطرف الـثاني و 3 مرات لازم تكرر هالعملية ..
ولازم تگول بصوت عالي كلما تدخل وتطلع هاي العبارة (دخلت منا چسوب وطلعـت منا ديفيد)
المهم چسوب سواها وغطس وطلع وصوته أنبح من وره ما گال بصوت عالي
دخلت منا چسوب وطلعت منا ديفيد .
فـمن خلص بعد ما گدروا يرفضوا ..
فـ بارگوله وگـلوله صار أسمك هسه صار ديفيد .. أنسى أسم چسوب بعد .
المهم تزوج ستيلا . بالبداية چسوب حيل أرتاح ويـه ستيلا ..
بس هي فرضت عليه قوانين صارمة ..
گلـتله أحنا ا نصوم كل أسبوع يوم الأربعاء والجمعة والسبت عن أكل السمچ .
لأن عدنا حرام وأذا شفتك تاكل سمج أعوفك وأروح أتزوج إيفان أبن عمي .
ولا تنسى أنو لازم تصوم 40 يوم .
گاللها تأمرين أمر يا بعد عمري أنتي ..
ماكو أسهل منها .
بس چسوب جان متعود يم أهله يأكل كل جمـعة سمچ ..
المسكين گـدر يصبر أسبوعين وما ياگل سمج .
فد يوم من الايأم قفـلت براسه وگال لازم أكل سمج ..
ما أتحمل بعد ..
متعود ع الحجيـة جانت گل جمعـة تسويلنا ذاك السمج المسگوف .
فـمن شاف ستيلا نامت بالليل هو گعد ..
وراح للثلاجة ..
وطلّـع السمج والعمبـه والخبز ..
وصار يغـمس بالعمـبة وياگل .
بهاي الأثناء چان تجفت عليه ستيلا وكبست عليه
وهو متلبس وياگل وعاطت عليه وگـلتله :
- ولك ديفيد دتاگل سمچ من وراي .. أيا ملعون ؟!!!
هو گاللها :
- ستوته حبي ..
لا تفهميني غلط ..
هذا مو سمچ ..
بس باوعيلي لحظه ..
(سوه لفة مال سمج)
وجاب طاسة العمبـة وحط بيها اللفـه وگال :
طبي منا لفة سمجة وطلعي منا كُفـتة بطاطس
طبي منا لفة سمجة وطلعي منا كفتة بطاطس
مساكم الله بالخير
يسولفون أهلنه عن إثنين أخوان من العرب البدو الله منعم عليهم حلال ومال والله رازقهم أولاد.
الاول عنده ست أولاد والثاني عنده ست بنات وولد,
ومن كثر حُب الاخ أبو البنات لاخوه زوج بناته السته لاولاد أخوته.
مرت السنون وتوفى الاباء وبقي أولادهم, بقى أخو البنات الولد لوحيدته وحلال أبوه صار إلَه.
بينما أولاد عَمَّه توزع عليهم حلال أبوهم وصار كل واحد عنده حصة يعيل بيها زوجته وأولاده.
مَرَّت الايام وهُمَّه عايشين على حب الله .. وچانت العرب تشيل وين ما تربع الگاع وتخضر ..
وايام الربيع تكون أيام فرح وراحة عند البدو لان الحلال يشبع والعرب تستقر ..
في يوم من الايام إجتمعوا ولد العم وحتى يگضون الوكت إقترحوا يلعبون لعبة وهي:
يسوون خطه دائرة وياهو يطيح بيها وما يعبر يذبح جمل ويطعم الجميع!!!
بدت اللعبة وعبر الخطة الاخوان الستة وطاح أخو البنات بيها!!
ذبح واحد من البعران وجهزه للغدا وأطعم ولد عمه وزوجاتهم إللي هنه خواته واولادهن
وتكررت اللعبه ثاني يوم وهم نفس الشي الستة عبرو وطاح أخو البنات!!
وهم صَبَّح الصُبح وذبح وطبخ وأطعم الجميع
وثالث يوم نفس الشي لحد ما راحوا ولد عمه لزوجاتهم وهمه يضحكون
على إبن عمهم اللي اعتبروه ما بيه خير ومو شجاع وخطة ما كدر يعبرها ؟؟
إستهضمن البنات وإنقهرن على اخوهن من رياجيلهن وأصبح الصبح وراحن يعاتبن أخوهن
ونقلن كلام أزواجهن عليه!!!
گاللهن رِجعَن لبيوتچن وما يصير بخاطرچَن إلَّا طَيِّب ..
راح لولد عَمَّه وكاللهم اليوم نكَبُّر خِطَّة الصبَيَّان!!
ضحكوا عليه وگلُّوله: هِيَّ من چانت زغيرة ما عبرتها!! كاللهم اليوم نكبرها ونلعب ونشوف!!
كَبّرَوا الخطة وبِده اللعب, ولد العم يطفرون وكِلهم طَاحوا بالخطَّة!!
ولَمَّن وصل الدور لأخي البنات طُفر الخطَّة بكل سهولة!!! تعجبوا ولد العم وسألوه شلون دَبَّرتها؟؟
گللهم: آنه كِل مرَّة أطيح بخطة الصبَيَّان عَمدَة حتى أطَعّم خواتي وأولادهِن وأفرّحهِن
وما أخسركم أنتم ولِد عمي وآنه الله منعم عليَّه
وگلبي گلب الاخ المحب إللي عينه على خواته وأهلهن وأولادهن ويتابع أمورهن بدون ما يحسِّسهِن بمنِّيَة!!!
يقال أن شيخ عشيرة كبيرة
راح لزيارة ضريح الإمام علي عليه السلام
وكانت الزيارة ضخمة جداً والناس تتلاطم مثل الامواج
حتى يدخلون للضريح المبارك
وكان هذا الرجل مهموم وعنده طلب يم الإمام
المهم اجته دفعه فوكع عكاله وصار بين اقدام الناس وكانوا الزوار بالملايين
وصار هذا الرجل محتار شلون يرجع لأهله بدون عكال
لانه كان هذا يعتبر أمر مخزي وعيب بالنسبة لهذا الرجل امام منطقته لو رجع بدون عكال
وبعد ان دور على عكاله ومالكاه انتابه اليأس
فوقف أمام باب أمير المؤمنين وأنشد ارتجالاً زهيري
يامن إبابك رجاب الكاصدين ... عكال
وبيوم صفين سيفك للجيوش ... عكال
لازال جفك لعند التايهات ... عكال
جيت اشتكي الحال وأطلب من لضه مالك
واللي يودك فلا يمسه لضه مالك
اليوم يا ابا الحسن من عذر ما الك
من حيث اشلون ابابك طاح مني ... عكال
يقال ما ان أكمل هذا البيت حتى ناداه أحدهم
عمي هذا عكالك لكيته
أتمنى أن تكون راقت لكم
ودي والمحبة
توضيح ...
لضة مالك .. ويقصد بها مالك خازن النيران الملك المسؤول عن جهنم
سالفة بلبل
من ذاكرة الحرب!
احمد بلبل .
من مواليد 64 بغداد .
الحالة الاجتماعيه اعزب وخاوي كلش
يسكن مع وآلدتهِ " الملايه انذاك تكتب اشعار وتقرأ في محرم "
في منزل متهالك تركه له وآلده المتوفي في مرض "السلّ "الذي كان مستشري بالشارع العراقي ..
اطلق عليه لقب " بلبل "
لحجم فمه الصغير وعيناه الزرقاويتين .
ولا ابالغ حين قلت انه اجمل شاب في هذه البقعة الميته ...
كان يعشق الشعر الشعبي كوآلدته
احبّ فتاة في " فرعنا " حدّ الجنون
وهي تبادله نفس الشعور وأوعدها انه سيتزوجها حين تنتهي الحرب العراقيه الإيرانيه ويعود من الجيش
تأسر بلبل عام 88 في حلبچه ..
واقتادوه على الحدود الإيرانيه الروسيه في معسكر لايوجد فيه غير السماء والطارق ..
عَلمت وآلدته انه أسير
بعد 4 سنوات من الضيم والقهر والبحث عنه في سجلات اسماء شهداء الحرب ..
بعث لها رساله واحده بعد عام من علمها بأسره ..
كتب فيها
" يمه شلونج اني زين وموجود بأيران أسير وگالوا راح نبدلكم بأسرى
بس مانعرف شوكت لايضل بالج عليه يمه سلميلي على ......... كليلها من ارجع نتزوج "
بقي بلبل 15 سنه في الأسر
عاد في ليلة سقوط بغداد 2003 بعدما توفيت وآلدته .
واخبره جاره انها فارقت الحياة قبل مجيئه بثلاثة اعوام
بمرض والمنزل مهجور حاليآ ،
واوصت ان غرفتها لن يدخلها احد الا " بلبل " عندما يأتي ..
دخل اليها بلبل .
و وجد فيها ثوب امه بجنب " فانيلته وبجامته "
موضوع على وساده .
وكتبت له ورقة فيها كلمات كاظم الكاطع
إجة العيد وما إجيت
وأشعلت للملگة عمري وأيّست تالي انطفيت
وانتظرتك شمعة ذوبني الصبر لمن كضيت
وانتظرتك شمعة موعّني الصبر فوك الصواني
وخيـط
بس الخيط يحبيّب صفيت
إجة العيد وما إجيت وهم إجة وما جاب روحي
عايش بلا روح من يوم المشيت ...
لم يعد بلبل ذلك الشاب الوسيم الجميل بعدما قرأ رسالة امه
وهي تعرف مدى تعلقة وحبه للشعر الشعبي ..
علم حينها ان حبيبته قد تزوجت وانتقلوا اهلها الى منزل اخر ..
اعتكف بلبل منزلهم المهجور لمدة ثلاث سنوات حتى توفي عام 2006 في حجرة وآلدته
رجح الاطباء سبب وفاته الحزن الشديد والحاله النفسيه التي اصابته
والوحده التي عاشها طيلة الفترة . و وجدوا قصيدتها في جيبه .. وهي الآن مكتوبه على قبره ..
شاء القدر ان تبقى هذه الكلمات تلچم قلب بلبل حتى عند قبره ..
منقول
رجل تزوج بنتّ عمه ... وچان يحبها وهي تحبه
وبعد الزواج عاشوا حياة جميلة والله سبحان وتعالى رزقهم بأطفال .. وكانت حياتهم الزوجية ماكوا اسعد منها ...
وكانت الزوجة تموت على ابن عمها زوجها وحبيبها وأبو اطفالها ...وكانت دائما تگل لزوجها ياحبيبي وياعمري إني مايفرقني عنك بس الموت ....!!
وكان زوجها يگلها يمعوده اذكري الله هو احنه إشفنه من الدنيا حتى انموت خل نكبر اطفالنه والرايده ربچ يصير ..؟
وشاء القدر إن يصير الفراق !!
في يوم من الأيام بينما كان الزوج بالعمل واذا بالناعي يجيه ويبلغه بوفاة زوجته وحبيبته ... طبعاً انهارت اعصابه وماكدر حتى يحچي من گد الصدمه ...
وشيعوا اجنازة حبيبته بالليل وعيونه تشوف التابوت ومخنوگ بالعبره
...
ف گال ::
شلت عني بسواد الليل ونشال
اصيح اعليك گلبي رعشّ ونشال
يلاهي وياها رايد كون ونشال
بلحد واحد ونگضيها سويه
...
وبعد أربعين يوم على فراگ حبيبته راح يزورها ومن وصل چانت الشمس تريد تسلم يعني الدنيا غروب وكان نيته يبات يم گبر حبيبته فوصل ومن بعيد شاف الع°بروخنع°ته العبره
گال ::
..
بمسيت اغروب واعيوني ترابات
درب عاثور وجدامي ترابات
اجيت اليوم يمّ گبرچ ترابات
وبلکي من الله نومت موت اليه ..
وعندما وصل إلى الگبر احتضنه بشده وانهار ..
لكن لم تسقط منه أي دمعه ...
فگام يحچي وي حبيبته وخده على ع°برها
ف گال ...::
عظيم افراگچ اعليه يهد كون
وخناجر تطعن ابگلبي يهد كون
لون الماي البعيني يهد كون
لغرگ المگبره ونغرگ سوية
رد مع اقتباس
