يكولون اكو واحد بيته احترك وگوه طلع عياله من البيت وظل يباوع بالنار وهي تحرك البيت
الدنيا شته وبارده وهو كلشي ما يكدر يسوي
المهم صاحبه عبور الشط باوع وشاف بيت صديجه يحترك
ما تحمل جيت بالشط وعبر عليه وگله :
خويه فدوه البيت والمال
سلامتك انته والعيال
صاحبنا عاف البيت وعاف النار
باوع عالزلمه صاحبه شافه منكع مي والدنيا ثلج
جاوبه ابيت دارمي :
كون الصديج يكون هيج لصديجه
جيتك نص الليل تسوه الحريجه
جيتك نص الليل تسوه الحريجه
اي والله تسوهعشت اخويه
يسلمو لمرور العطرالمشاركة الأصلية كتبت بواسطة جنة الروح
جيتك نص الليل تسوه الحريجه
اي والله تسوه
يسولفون اهلنه عن وحده جانت تحب واحد
وهو يحبها ومتعاهدين وحلفتله بالعباس ماتصير لغيره ..
حبيبها وده مشيات وناس خيره وساده لاهلها ماقبلو ينطونه واخوتها سبعه
هددو الولد اذا فكر باختهم يذبحونه ..
هي ماقبلت بهذا الوضع وكفت بوجه اهلها واخوتها وكلتلهم انه احبه
ومااصير لغيره لو تموتوني !!
اصار راي اخوتها يسجنونها بالسرداب مال البيت.
وتعرفون السرداب مابيه لاشباچ ولا ضوه بس باب.
المهم.سجنو البت وبقت بس مرت اخوها تجيبلها أكل.
البت ودت بيت دارمي وي هاي المره لخوتها گالت بيه.
مايمنع السرداب لو فوگه صبه
أتحدى سبع ازمور لجل الأحبه
ولان مرت اخوها تريدلها الاذيه
خذت الدارمي ابره بخيط ووصلته لاخوتها وكلتلهم اذا بقت اختكم هيج راح تجيبلكم السهبه !!
بعد ماشحنت اخوتها عليها صار رايهم يكتلون اختهم
طلعوها من السرداب علمود يكتلوها. گالت عندي طلب
اريد اشوف حبيبي.المهم وافقو اخوتها تشوفه
دزو على الولد أجه وگف گبالها ويباوعلها من جوه ليجوه لأن يخاف من اخوتها
أجت هي گباله وگالتله..
..
صد راهي للتهواه لاتصد بوگه
الچفن هالجابوه كافوره فوگه
نخل غيبي مخضر ولو هو مشيص ما عوزهم من الولاية بس غرشة التتن
النخيل كث السف وافر التمر دون ان رعاية
غرشة التتن تعني القليل من التبغ الذي يوضع في كيس قماش
وكانت السجائر تاتي على شكل تبع ومعه ورق صغير
والمدخن يجب عليه ان يصنع ( يلف) سيجارته بيديه
ويترس المخلاة حنطة
المخلاة هي عبارة عن صندوق من الخشب واحيانا يكون بناء من الطين
تحفظ فيه المواد التموينية للعائلة
برحيَّة
تشبيه بحلاوة التمر البرحي وهو نو ع من انواع التمور العراقيةالمعروفة
وچناغها والشيلة البلبولي
اغطية للراس كانت تلبسها النساء في قديم الزمان
لها شكل جميل يزيد من حلاوة محيا المراءة العراقية
وكانت توضع في الاجناغ عدة شذرات متدلية في بعض الاحيان
وتمشي برهدنه تدنج
اي انها تشمي بدلع وغنج
الطايفة
العشيرة او المنطقة
السهبة
هي المصيبة
مساء الخير
جويبر ومناتي اخوان عايشين بالريف يشتغلون بالزرع وعايشين على حب الله وعدهم اثنين خوات وعدهم صديج حسبة اخوهم يروح ويرد عليهم ومن عرض الطبه والطلعه انعجب باختهم الزغيره بس شنهي ماجان يكدر يحجي خاف يكولون عليه خان الملح والزاد والبنيه هم كلش حبته بس سكتاوي وجانت تفرح بجيته ليهم بس جويبر زلمه ماتفوت عليه هيج سالفه عرف صديجهم حمود باله عد وحده من خواته بس ماعرف ياهي منهن ..وده على اخوه وتشاور وياه وكله لازم نسوي خطه ونعرف ياهي الرايدها حمود
دخلو للبيت مكظمين ومكدر خاطرهم ..حاجتهم اختهم الجبيره
_ها ياولد امي وابوي شنهي الكدر خاطركم ؟؟
نب عليها مناتي كلها ماعدي من الخبر غير حمود انكتل بعرس بالسلف وصار رمي واجته طلقه تايهه
صرخن البنات اثنينهن ..عمت عيني ياخويه
تعجبو الاخوان كالو مامعقوله اثنينهن يحبنه ..قررو يسوون اختبار ثاني صاح جويبر
خويه هاي طعامات جبناهن من البستان اريدنجن تتكابلن تطحننهن
ومن عادة نساء الريف التطحن تكعد تنعى وتسولف ضيم كلبها للرحى
كعدت الجبيره تطحن وتنعى وجانت نواعيها عاديه مابيها شي يدل على حبها لحمود
وانوب كعدت الزغيره وجانت ملذوبه وكلش حزينه وبدت تطحن وتنعى ودموعها يتجارن وكالت
مرود يبز العيــــــــــن ويحرمني النوم
كالولي ولفج مات ومـــــجذبه العلوم !!
طبعا الاخو الازغر جان يسمع الحجي فــ راح لخوه الجبير الجان نايم وكعده وكله ...
ماتكعد من النـــــــــــوم مالك لوينه
بحجة المتهــــــــــــوم معمع طلينه
وهنا اشاره للمثل الي يكول (الي بعبه صخل يمعمع ) (اجلكم الله)
ومن تاكدو من نظافة حبهم صاحو لرفيجهم وكلوله خويه احنه لمعزتك عدنه قررنه نزوجك اختنه وجان حمود مامصدك الخبر كام وباسهم من روسهم وكلهم خويه عطية المقبوله وصدكو راح احطها بعيوني وتزوجو وعاشو عيشه سعيده
وحدة بالريف عدها موعد مع حبيبها وبحجة العمل طلعت حتى تشوفه ولمن اجاها قبل لا يوصل سمعت صوت ابوها وراها فصارت بموقف صعب ما تكدر تكول لحبيبها ارجع وابوها وراها كعادة أهالي الريف يكونون مسلحين......
بنفس المكان موجوده
طيور يسمونها الكطايا وكانت موجودة بكثرة فهي شالت حجار وكامت ترمي على الطيور وهيه تكول
طيرن كطايا الشوك ردن للأوطان
ما يبقى بيجن ريش لو هلهل الدان
سمعهه حبيبها وافتهم اكو خطر ورجع
ولكن ابوها رجل ذكي لمن سمعها كال
اعرفها كلش زين يبنيتي النوايا
حجارج على المحبوب مو عالكطايه...
هذا واحد يحب بنيه خطبها اكثر من 5 مرات ما قبلو اهلها بقه مدة من الزمن اتمرضت البنيه ودو عليه اجاها لگاها مريضه راح يدور علاج الها لگه العلاج ورجع الهم لگاهم شايلين لأن ايسوو منه واخذوها يدورون طبيب
فهو سأل واحد عليهم
رد عليه
نوگ وحدت برمال بيها الاثر تاه
والولف فوگ النوگ ايست طرواه
فهو ضل يدور عليهم يوم من الايام لگه ابوها وسأله عليها..
رد ابوها وادموعه بعينه
ولفك خذاه الموت للمگبره وشال
ايس يناطر عود تنجبلك اعيال
جميل
عاشو
رد مع اقتباس