هلي اخر وصيه الكم
هلي شما اضيع ب الدنيا اسمكم ب الجنط شلته
هلي وحتى الهوه من دروبكم جبته
اخاف اشتاگ ل اسم امي
من ارضنه تراب فوگ عيوني طشرته
هلي وحتى الضوه اليطلع ب الولايه
على اسنين العشگ صغته
هلي لحد الفجر سهران ( مامش نوم)
اخاف تغمض عيوني وصوركم تختفي بسكته
هلي ليا دمعه تردوني
اصير وروحي عاشگته
هلي ومن تثگل الدنيا اسافر بس ل اساميكم خضار وماي بعيوني
هلي وحتى التراب يشوف
كون تراب تردوني
هلي اخر وصيه الكم
اذا شفتو العمر گصر
حدر كل شتله خلوني
هلي ولو چل عليه الليل
يم كل سالفه ابچوني
هلي واخر حرز منكم
عل بيبان العشگناهم تودوني
سلوان عدنان
رد مع اقتباس
