مــــتـــعـــوب
مــــتـــعـــوب
بدت بيّه بلاوي اتعارﭺ الحيــل
اهو ياحيل ظّل وبيه أماطــل
لون وكتي اجاني امشرعب الخيل
ارد اضحك وﮔولن وكتي جاهل
عفة ﮔلبي اشحمل لوعات وشال
مصايب سود من سود الليالي
ماوﭽد تراني امدوهن البال
وناحِط بالعذاب الماله تالي
وحيد وللموّدة اﮔصار الحبال
ويعينه اللّه الوحيد الماله والي
يفر بيّه الوكت فر المحاﭽيل
وشمرني ابعيد ببحور المشاكل
واخذني الروج عَتْ وحدّر السيل
يلن ﭽفي غِدَه من الفوج عاطل
يدولبني الزمان شلون ماراد
وأنه امسّلم رسنها امطاوع الـﮕود
الشرك لولف يبويه اعلة بن الاجواد
يسـﭽـّن واليصير ايصير ويهود
نشف ريجي وادور بلـﭽـي موراد
لعودي وماهو ظنّه ايخضر العود
تطش روحي وتلملمها التواسيل
على الـﮕطره وتعز بيهه المناهل
واظل ملـﭽود وارجه يعاود سهَيل
ذبح روحي العطش ذبح المناجل
حسافه اصباي يخلص بالتهاليـﭻ
وحسافه الـﭽف رﭽـيـﭻ وما يشابـﭻ
يدنيه اتطول ايدي وهم اراويج
شسوي وعلى روحي الضيم بارﭺ
ﭽـايمته يربي إتفك شبابيـﭻ
نورك موش إهي ظلمه المسالـﭻ
أسهر والدموع مرافجه الليل
ولا صاحب يشوف إدموعنه تهل
الرفاﮔـه ويارفيـج الهمـك إيشيــل
اهل هالجيل عدوان وعــــواذل
احس ﭽنه الونين ابرﮔبتي دراغ
وعت بسنين لوعه المات ابنهه
اتخطه الليالي وما مش ﭽراغ
بيهه وما ضحك مرّه زمنهه
وأنه دموعي دماهن زاغ ودباغ
دمع نيلي الجرّه وبضّع جفنهه
انه اكرمتك حلاوة ضامري وليل
وحكـﮓ وحـﮓ عينك عيب اسايل
ادريبك عدل وتعدّل الميل
ما تـﮕدر يلن دنياك باطل
جره بيّه الألم مجره المرازيب
وشبْ وجاغ ﮔلبي من الطلايب
وبـﮕـه عمري حماده وبس عراجيب
وﮔصور الامل صارت خرايب
وهذيج الروح دهله وما زرع طيب
بيهه من النودهم والـﮕرايب
ﭽـا هذا العمر منبت عواجيل
والوادمْ عليهه الريع حايل
الوادم موش ذولاك الرياجيل
التظن بيهم يعجرون المراجل
صاحب الضويري
رد مع اقتباس
