هنا

[الشاعر هاني حماده]

يا علي محرابك بوگت الصلاة
ناشر السجاده يتفكر عليك
محضر السبحه يتاني للأذان
التربه ملهوفه تشم راحت ايديك
منبرك للموعظة يابو الحسن
فاتح كتاب ألاه وزوده بيك
لان أنت كتاب الله بلايه شك
الاية تتباها لون تدنه ليك
يلي بيك احتارت ألباب العقول
وبيك ضلت هايمه حروف الكلام
الدهر اخرس صار لمن بي حچيت
واخذ گلبه الخوف من شاف الحسام
يعني فقارك يحيدر بي حيات
دين طه وسنته ونهجك إمام
ياعلي وسفة الدهر دولابه دار
وي هوى الدنيا وتبع نية قطام
نية معروفة البغض يتبع غدر
سيف ابن ملجم تسلل بالظلام
فتح باب العلم والمسجد يصيح
بعد حيدر نقره عالدنيا السلام
ويوم صوب راسك وراسك جريح
كبر المحراب تكبيرة أحرام
وعال يحبك ياعلي چلچل الضيم
الوسعة بعيونه ظلام تصورت
الكوفه عجت للصلاة بس يا صلاة
كلهه گبت للسماء وكبرت
لان شافوا دمك يبوس التراب
صاحوا بفد صوت زينب ما درت
ياعلي وليلة مصابك ياعلي
ليلة القدر العظيمه تيتمت
----------
هاني حماده البلداوي
10\ رمضان \ 1439

[فقار الكرخي]

بارك الله بيك وبقلمك
وبما ان القصيدة بقلمك
ينقل لمنتدى بقلمي

[نالين]

جميل

[ايــوتــة]

جميل عشت

[الشاعر هاني حماده]

عيني فقار الكرخي تحياتي
وهو اني ناشرهه بمنتدى قلمي
والموضوع حصري
شلون تنقل

[الشاعر هاني حماده]

الجمال في حضوركم شكرا