اليتيمه إتّصيح حِيدر ، شعر عن استشهاد الامام علي ع
( وجعلنا الليل سُباتا )
إشمالهن...
ما نامن الليله العصافير وحَزينه
والفراشات الجميله
ذبنّ ألوان الطبيعه
ولبسنّ أسود
ليش بلبلنّه اليغرد
تبچي عينه
إشمالها أبواب المدينه
لا قفل كضْ إلها زيج
ولاكو سرگي إيگلها ارجعي
الكوفه يم فرض الصلاة
إتّصيح ضلعي
الليل نوم…
ليش فختية الكوفه
حايرَه إتطيح وتّكوم
ليش محراب المشابگ…
حَضر إضماد الإهدوم
ليش ما شربت
حليب الله اليتامى
وظمته الباچر طبيب
ليش مختبصه السمه
وتّطلگ قصيده
وتارسه الوادم نحيب
ليش
ما سدّت غرفها
وكاعده اعشوش الضوه
ليش حتى الليل مغِبر
والهوه إيصيح الهوه
ليش جبريل ايتّفگد
ياهو نايم
يا هو گاعد
ليش حط ايده إعله خده
وصفن مُده
صفن مُده
ابوجه ابن مُلجم وعَبس
من نِظر
كل العصافير
اليتيمه
إتّصيح
حِيدر
فارس الشِباني
رد مع اقتباس
