انة المشطوب عنوانة
أنة المتروك بالمامش
انه الهامش
انه البـ اوجاعي عمري الفات
كله وهااه بعد عايش
أنه ذاك التلذذ بالحزن طايش
انة المگيود لـ احزانة
انة المشطوب عنوانة
انة حجارة
انة جكارة !
انه اللينة
انة الصلبة
اضحك للهوى و ابچي
وين المثلي عاشت هيچ انسانه
انه كاس و سكارى
وخمر
بالحانة
انه اغنية انسلب من عدها فنانه
انه الحالم سمه
ومگصوصة جنحانه
كل واحد البينه يرتفع شانه
الا انه !!
ادنگ لليجي و اضحك
ابد ما ترتفع عيني
انه المنسي
شلون افزع وآنه مچتف
نص كرسي
انه المگرود چا ويني ؟
افزع للربابه بـ قوس
افزع للسيوف بـ رووس
افزع للنبيذ بـ كؤوس
انه لليمشي حافي
بگلبي اكولن دوس
انه للجندي
افزع ماي نص الطووس
انه الحافي
انه الصَعد الوادم فوگ
بـ چتافي
انه الغطيت بس متشگگ اللحافي
انه الينشدني ما قصّر
افزع چني متعافي
متعافي ؟
لابويه
چا يوميه انده للنده الدافي
چا يوميه احچي و اشطب الكافي
انه الناگوط جوة الحِب
انه الشافوا عليه لـ عثوگ
ما هيسوا ابد باللِب
انه المتروك بين الريح من يهب
انه العافوه من مكسور
انه ميل و وگف
دونه الزمان يدور
انه اسمي انشطب
من فرّه الناعور
من چان اسمي فزة نور
من چان الفرح تارس وجوه الخوف
من چان العرس بس شوف
چا يمته
افرح و الحلم سكته
چا يمته
يعود الابو لـ بنته
چا يمته
نور آل عماد
رد مع اقتباس
