هنا

[فقار الكرخي]

الدنيا بيه هواي دارت
راوتني كلشي وبيه حارت
وايامي مدري شلون صارت
بكل خيلها اعله ضلوعي غارت

لكن بقيت وما درت بال
لكل مهرة كلبي يلوك خيال
واكف تجيه لكل ظهر مال
وشايل وي الوياي ما شال

وانه شبدر من عندي تقصير
صورة وثكل وجه البسامير
تكضي وسوالف باجر تصير
وارجع وابري الذيب والبير

وارجع ولاية وبابي مفتوح
وعطر الهلا من ثيابها يفوح
شنوني بس ضليت مملوح
وجفوفي من عثك السما تلوح

الوكت يضربني واضربه
شد رايته وشبعني غربه
اعطش والم وجهي واشربه
ما نزل راسي لغير تربه


الجذب سيد والوفه انعاب
عجه الوكت والمستحه اتراب
ياروحي ما رهمولج احباب
حنة نذر بس مالكت باب








عقيل العرد

[أستثنـآئيـّةة❤️]

،،،

[حہيہدر الہبغہداديہ]

كالعادة إبداع رائع
وطرح يستحق المتابعة
شكراً لك
بإنتظار الجديد القادم
دمت بكل خير