الدنيا چذاپة
الدنيا چذاپة
والناس چذابة
دوّروا وين الجِوي ، وين البرز نابة
وتمرغلوا يمّ الشرع ،
ييچون ... بس كلّة ضحچ
دين الإنسانية إنفض
مامش الأبيض بعد
والسنّة صارت خمر
ترتيلهم كلة غِنة ،
وانه اصرخت أكفر بـ محرابة
همْ رادوا إنذروني قربان الـ إله المالي يم عرشة عرف
ما يفييلي أمان
ما محظرلي جنان
ما يحس بيه ويحققلي الأريدة ،
گبل لا توصل الامنيّة الخيالي
ما لگيتة مثل ربي
لو يقهقرني الحزن يگلبلي كوكب كلّة راحة
هوَّ صح الكوكب إمسوي خيالي
لاچن افرح ، حيل افرح
من أحس ربّي إعتنالي
هوَّ اصلا ربكم إيدغدغ حزن
حتّى أحلف ما يحن
وإنت يا كاهن چذب ماريدة بچيك
إبچي يم الينذر الضحكة الجلالة خوف حچيك
وإبعد إبگد ما تحلّف ربك العبدة دغش
إبعد إبعد يا دغش
دين ملگاك إنفرش
چانت الدنيا صليب ،
ولا لگيت اليچفي إيمانة حضن
عفت مزرعة الإنجيل الخاطرك
عفت سجدات العباد الخاطرك
عفت روحيتي إعلة طيف إمناطرك
قِس هواك ، شوّر بـ ترتيلك وضل ساطرك
مريم_جواد
رد مع اقتباس
