يالمطلكَ الغمد سيفك كَرابه ركَاب
علي شلون اعله راسك رهمت الطبره
اعرفنك علي لطاري الحرب ترتاح
يكاشخ بالفقار اللحيه شو حمره
افتهمتك ... ما ترد حته اليجيك بموت
لذلك عزبت راسك علي بكبره
يالمسير شبع للفقره وكت الجوع
علي تسير تريد وياك هالفقره
يمصوغ الهلا بموكد عله البيبان
دليلك نار ضيفك محد يخبره
ياللَّمن اشمك الكَه ريح رماد
علي بطارف عباتك الكَه والغتره
اثاري اسمر علي جي عشرتك تنور
بين جفوف ايدك والخبز عشره
حدر فيك علي شكد وادم ينامون
عله اصوات البلابل تفرح الشجره
وعباتك يا عباتك لليتم كاروك
ودللول شكثر بشفايَفك تقره
علي بكلبك اثر مسحة ضفيرة راس
موبس بأديك اتبين الشعره
بطين بلا شبع شابع كرم واخلاق
يالمشبع الغريب وجايعه العتره
...............
سلام الكَريزي
رد مع اقتباس
