ياريت ليلي يطول.قلمي.ضياء الصافي
(......___......)
طشيت كل عمري اعل دربچ
سحگيه يبلگت يوفي حبچ
گلبي التوالم ويه گلبچ
(كل ساعه ايفز ينشد وينچ)
نضرة عيونچ ليل عشاگ
والشافهن كل عقله ينباگ
غرگان ويدور على الراگ
(غرگان اوچلّب برموشچ)
يابعد ماي العين والشوف
يمج صدگ ينزاح كل خوف
شباچ واحنه بحضرته انطوف
(وتبارك من الزم ايدچ)
بيچ اشكثر وشكثر وشگد
حبچ جزه المحظور والحد
كون بحضرتچ ساعه انمد
(وا خذ من حضنچ عافيتي)
ياطير بلگي اتوصل اخبار
الها وتگللها اشجره وصار
گللها گلبي اموجّر ابنار
(مشتاگ وعيني تباريله)
طر الفجر والوادم هواي
دورت بس ماصاحلي هواي
گالولي شني شبيك من داي
(گتلهم حبه امدوهني)
هو اليشوفچ يروى بالماي
گالولي تعطش؟گلت لهواي
اخدر اذا شفتچ على شفاي
(ونام وماندري شصاير)
ياريت ليلي يطول وياچ
وتنفس الشهگات بهواچ
واخذلي رشفه بطارف شفاچ
(واحضن لمن تخدر روحي)
قلمي
ضياء الصافي
رد مع اقتباس
المشاركة الأصلية كتبت بواسطة محبوب القلوب للتصميم
