هنا

[الشاعر هاني حماده]

ياعلي يالتحمي جارك لاذت الشيعه بمزارك
***
حايروجيت اشتكيلك ياعلي حالت وضعنه
ياعلي دنيانه ضلمه بيهه تيهنه وضعنه
ياعلي ولي يكرهك أبدائرة حقده وضعنه
عن سبب واضح بيانه مثل أبو الأكبر وضعنه
من هجر ارض المدينه الكربله بمنهج نبينه
مسره أبو أليمه مسارك
***
شحچي ياحيدر شخبرك بيدر مصايب حملنه
كل ذنبنه احنه شيعه وحبك الغالي حملنه
ألناصبي ابن النواصب سيفه للمذبح حملنه
ياعلي بهاي الشدايد ما نظن غيرك حملنه
انفض ترابك يغالي شيعتك ماعدهه والي
شابحه العين المنارك
***
للعراق وشعبه جمره تسعر بروحي طفلهه
عنهه لو احچي يحيدر الدنيا يتعجب طفلهه
شاهدد الكوفه عليهه وكربله أوحي الطفلهه
من هذيچ الساعه ضلت الجمره تتأمل طفلهه
للأسف كلمن يجيهه يحط حطب غيضه عليهه
وتلتهب ناره أعله دارك
***
بدم جرح گلبي اسولف دمعة عيوني اهلهه
من فعل زمره حقيره عالحقد ظالم اهلهه
گامت بافجع جريمه صاحت الدنيا اهلهه
هدمت دار النبوه وذبحت حتى طفلهه
كل اثر يشكي مصابه وينتظر منك جوابه
ياعلي يالجمره ثارك
***
ياعلي شعبك ينادي ديارك بعزمك عليهه
طاحت بشده عظيمه والحزن أصبح عليهه
بالذبح خلصت زلمنه والبقة شده عليهه
شده ماواحد يحلهه غيرك وأنت عليهه
ياعلي بسمك نخينه حاشه مترد ياولينه
حاير وبالدمعه زارك
***
بكل دقيقه نزورك احنه ونرفع الرايه بدينه
وكل مصيبه تمر يحيدر نهتف استونه بدينه
ياعلي رغم المصايب والي غيرك مابدينه
أي وحق خالق محمد وذكرك أيه بدينه
شيعتك تبقه بعهدهه صابره وحبك شهدهه
ياعلي الجنه بجوارك
***
هاني حماده البلداوي
1 \ ذوالحجه \ 1435

[NO OR]

السلام على امير المؤمنين
..
سلمت أناملك
جميل ما كتبته
دمتَ
..

[الشاعر هاني حماده]

شكرا لمروركم العطر

[انثى مخمليةة]

،،،،،