هنا

[الشاعر هاني حماده]

جرح المحراب ينزف ما طاب
طول الغياب طول الغياب
حيدر غابت أنواره انهض يالمهدي الثاره
***
محراب الصلاة هليله كله جروح
على والي اليتامه وراسه المجروح
مظلوم ودمه ألهامه بقه مسفوح
ومحرابه بقه خالي يون وينوح
بهاي الأيام حگهه الأيتام
تظهر ألام تظهر ألام
وتنصب مأتم واليهه وتنطر طلعت مهديهه
***
محراب الصلاة يشكيلك أهمومه
وعلى موضع سجوده دموعه مرسومه
يگول أهلي عليهم روحي مهظومه
شي راحوا چتل والباقي مسمومه
من غدر الكون ياشده تهون
يالمهدي شلون يالمهدي شلون
انخاك بدمعي الجاري تظهر يالمهدي الثاري
***
محراب الصلاة ساعة رحل جدك
رسول الله يغايب والخبر عندك
محرابه حزين وينتظر وعدك
يريدك تظهر الثاره بجمر وجدك
وتنضر أثار طه المختار
من باب الدار من باب الدار
تعرف علت محرابه من تمشي فوك ترابه
***
محراب الصلاة عندك خبر عنه
صفه يالمهدي خالي ويجذب ألونه
على فرض الصلاة تكبيره اسمعنه
يبچي أعلل زچيه وريحة ألجنه
تكبيره يگول وين المسؤل
وبسيفه يجول وبسيفه يجول
يشوف الضلع وأثاره وباب الدار وبسماره
***
محراب الصلاة يامهدي عنده عتاب
أومنوا غيرك يعرفه ويعرف الأسباب
من يوم الهوى بمحرابه داحي الباب
لليوم الجرح ينزف دمه وماطاب
يناديك الثار راح الكرار
شوف ألي صار شوف ألي صار
ينزف راسه من الطبره ومحرابه يصيح بعبره
***
محراب الصلاة هليله يتألم
وعلى فرض الصلاة ركن الصلاة تهدم
أذن والأذان جروحه تنزف دم
وچن اسمع ينادي أدركني ياضيغم
عجل هليوم والثارك گوم
يبن المسموم يبن المسموم
حيدر طاح بمحرابه وجمره ضل بينه صوابه
***
1/ رمضان / 1438
هاني حماده البلداوي

[¥محبوب$القلوب¥]

رووووعه بارك الله بيك

شاعرنا المبدع

[(ملاك الروح)]

عاشت الايادي احسنت

[الشاعر هاني حماده]

شكرا لكي

[انثى مخمليةة]