..المشاركة الأصلية كتبت بواسطة هيلــه
...
" هيلة يا رمانة "
- تتذكرين مـن شفتچ لأول مرة ؟
جنتي مسوية شدة
ويا بنات المنطقة وخواتچ وتغنين :
" هيلة يا رمانة ، هيلة يمة
مـن هـي الزعلانة ، هيلة يمة "
ساعتها ركلت الطوبة وأجت براسچ
چانـت مـن دون قصد واعتذرتلچ
بس أنـتِ ما سكتي صحتي اخوانچ واتعاركنه
مـن يومها وأنـي اسميچ هيلة وكل الناس
يگولولي هالة بس ما اقتنع ولا راح اقتنع ..
لأن أنـتِ هيلة عمري .. عمري الضايع !
......
" شمعنى أنـتِ وياچ گلبي يبتدي رحلة جديدة !"
الجو چان مغيم .. خليت السماعات بأذني
وچنـت اسمع هيثم يوسف ( أسأل أنا يا ليل )
وبلحظة حسيت ايد على جتفي ،
انداريت بنت ناعمة ضحكت وگالتلي
"أحمد طوبة ؟ " فَـ ضحكت وگتلج
أنـتِ هيلة صَـح ؟ احساسي صَـح ؟
أنـتِ هيلة ام السن المكسور ، أنـتِ هيلة
الي كسرتي روحي من قبل سنتين واختفيتي؟
فَـ گلتيلي الدنيا مو ناوية تفرق طرقنا ..
وغيرتي الموضوع وگتيلي ليش متأخر سنتين؟
مو المفروض مرحلة ثالثة ؟ حجيتلچ عن
ظروف الدنيا وشلون كتلوا ابويه فَـ عدت سنة
لأن چنـت منهار والسنة الثانيه علمود ارفع معدلي
گتيلي أنـي أحـسن منك ما عدت وجبت
الهندسة بأمتياز ، ضحكت وگتلج هيلة بعد .
- رفل السعدي
النهايه
أحمد وهيلة
رد مع اقتباس