زنجيل زهيري
لمن علية كبل حجي الجذب ... بلعمة
والريج منه نشف خشب احس ... بلعمة
وميعمة ردت الحزن ياصاحبي ... بلعمة
وعاش بصحاري الحزن والزمن زادة ... بله
والعقل خايف يجن خايف يصيبة الـ ... بله
قفصي شوكت ينفتح ويرد الة بلـ ... بله
ويرجع يغرد فرح واسمع انة ... يامتى
والتاه لازم يرد هو كبل .... ياما تاه
بس انة اخاف الزمن بحجارة طك ... يامته
وانكسرت ومايرد لو مو اصيحن و ... اشر
متعلم وما اهم جبت العمر هم و ... شر
وهدومي نكعن دمع مجبور انة اعصر ... وشر
شريت حتى الجفن بس ما نفع بي ... شري
متخاوي وي الحزن صحبان انة و ... شري
للبيع صحت العمر بس ما صحالي ... شري
برخيص ردته لجن محد اجاني ... وسال
وكمت انه انزف هضم من روحي فاض... وسال
وفوك الي بية اجة صاحبي بسيفة ... و سال
سل سيفة حز ركبتي بس دمي ابد ... ماجرة
ومن شافني ما متت مات بخجل ... ماجرة
وأجرت مرة السعد رغم الغلا ... بمأجرة
وحتى السعد ما سعد جي جيت الة ... وأجرت
دخت بعجب قصتي هاي السدت ... والجرت
موتني لك ياحزن كونك صدك ... وجرت
ولتخلي روحي تعل كون انة بيه ... بخت
بايخ احس بالعمر حتى انة احسن ... بخت
لا بخو عندي بخت ياناس لالي ... بخت
وياي شد الزمن دمرني كلش ... واذة
يدوي الحزن من اجة وبصوت عالي ... وذة
بعيوني احسن الم كالولة كلهم ... واذا
مو بس الم ريت الة يارب عسى بالعمة
مهندالعراقي
رد مع اقتباس
