هنا

[الشاعر هاني حماده]

شتله بوسط هالروح حبك زرعته
كل همك انا انساك مخبل انته
------
بيك اقهر الشمات واتحدى دنياي
وكل صعبه سهله تصير مادامك وياي
-------
لو ضايج ومخنوق وتريد احاچيك
دقلي انته بس مسكول وآنه اتصل بيك
------
ما فيني نوم اليوم . . بس فـيني أبيات
يارب أنام الحين . . بـاجـر دوامـات
------
أبچي بتوالي الليل بس ابچي بهداي
والفجــر لــو له عيــن چـا دمّـع ويـاي
------.
ارد انشد العشاق والعدهم هموم
هم مثلي سهرانين وبحسرة النوم
------
عاتبت وكتي بريض لاﭼـن ولا فاد
هـوه الـعـتـب شـيـفـيـد للماله رداد
------
لا تظن يوم انساك يالمنبعك در
ترتعد كل عضاي من ذكرك يمر
------
لا تظن يوم انساك واقدر املّك
ومابيه حيل فراق من هسه اقلك
--------
امشي انت للوفاي واشكيله حالك
لتوصي ياهو الچان يحجي ابدالك
-------
اصبحت شبه الميت من فركتك هاي
وانته بطرب وبراح جي عدك ادواي
---------
ارد انشد العشاگ وتردد،،،وعيب
گلولي جرح الشوگ شنحطله ويطيب
-------
ياهم تشيله الروح ياهم تحطه
كلما أصفي الماي دهري يخبطه
-------
كل مره اقول انساك بس مو بديه
ارجع واضل اهواك غصبن عليه
-------
طاح وطريح افراش . داويته بدواي
طاب وتعافه وگام . يتلاوه وياي
-------
جارت علي دنياي ياربي حلهه
والزهره حتى الروح صرت انه املهه
------
الله كـريم نگـول ... بس هـذا روتـين
صح نمشي فوگ الگاع بس احنه ميتين
-------
منقوله

[فخامه رجل]

رووعه

تسسلم

[انثى مخمليةة]

كلش حلواات