أهلاً بكم أحبتي .. رمضان كريم عليكم
اليوم حلقتنا مميزة جداً مع الشاعر الرائع علي الشمري
بروح جبرة عليكم تابعوها للاخير
أهلاً بكم أحبتي من جديد
ملاحظة : الأسئلة التي توجهت للضيف خلال فقرة قفص الاتهام هي من نسج الخيال وليس اسئلة حقيقية
نبدأ
عليكم السلام ورحمة الله وبركاتهالمشاركة الأصلية كتبت بواسطة ضياء المالكي
ورمضان مبارك عليكم اجميعن ويارب ينعاد عليكم بالخير والعافية والبركه
اخي وصديقي ضياء
اتشرف بوجودي معكم في فقرة عضو تحت المجهر ...
بس شلون يعني تحت المجهر تتوقع بهذا حجمي اكو مجهر ياخذني
ضوه الغالي بداية دخولي لهذا الصرح كانت عن طريق صديقة شاعره ...
بوقتها كانت عندي هواي مساجلات وقصائد مشتركه وياها ، وهي الي كانت دائما توصيني ان اكون واحد من رواد المنتديات واقترحت علي ان اسجل في درر العراق وبقيت متردد لاكثر من سنه وادخل بصفة زائر الى ان اقتنعت وسجلت بعضويتي الحالية
لم تكن عضوه في الدرر ولم تسجل فيه مطلقاً
وهي معروفه في الوسط الشعري وعلى مستوى شعراء العراق
واعتذر عن ذكر اسمها
ضياء القصيدة تتبع شاعرها
اكو هواي شعراء شباب بالعراق تفتخر ان تسميهم شعراء
لان الي يكتبونه من قصائد تدخل بگلبك بالمباشر واكو بعض الاسماء دخلاء على الشعر ....
يعني مرات نشوف قصيدة بيها اختلاف بالوزن وزحافات
وماتملك اي الصورة الشعريه ..... واذا نشوف طبولهم تطرق وهذا كله لسبب رفع اسم صاحب القصيدة الى القمة بدون معرفة بأوزان الشعر وماعدهم اي ذائقة شعرية !
قبل اسبوعين تقريباً اجتني دعوى لحضور امسية شعرية بالكوت والصراحة انصدمت من سمعت قصائد بعض الشعراء الي معروفين بالوسط الشعري .... اغلب قصائدهم محتاجه صورة او وزن ...وناقشتهم بوقتها وزعلو عليه
من هنا بدأ المقلب
لا والله يخوي هذا اتهام باطل جداً مثل ما سمعت هواي اتهامات واني برئ امام الله منهم ومن اتهاماتهم ...
كنت مشرف قسم الشعر الشعبي لسنين
وطلعت من الاشراف بأرادتي واكو موضوع نشرته بقسم المشرفين او المراقبين بوقتها بطلب انسحابي من الاشراف وحصلت بوقتها على رفض من سامر وسوزان والاخوة النواب والمراقبين وبقيت وراها فتره كم شهر وجددت الطلب وترجيتهم ان يعفوني لان بوقتها كنت مشغول بالدوام وما عندي مجال متابعه للقسم
(احتفظ بها لنفسي فقط )
المشكله بالدرر القال والقلت
يعني كنت يوميه اسمع سالفه شكل
يوم يجيك واخد ويگول فلان حچه عليك
وفلانه حچت عليك وهذا الشي (النفاق)
كرهنه بالمنتدى صراحه
وهو الي خلانه نبتعد وننعزل
المهم اكو الله هو الي يحاسبهم وبس
قصائدي منشورة باسمي سواء هنا او بمواقع اخرى واي شخص يكدر يبحث بكوكل ويتاكد ما طول التهمة تكول احد كبار الشعراء يعني قصائده معروفة ....
والسرقة بهيج امور مثل الجذب حبلها كصير ي خوي ما تستمر طويلا الا اذا جان السارق ينشر سكتاوي هههه
والحمد لله مواضيعي على الاقل بالدرر .. معروفة وبقسم القلم مو بغير مكان
تعتقد اذا كنت اسرق ابيات من شخص ولهاي اللحظه ما طالعه السالفه او ماكو تبليغ من الشخص الي سرقت ابياته !
واكو شي اسمه الامانة شعريه
وهذا الشي ماشي عليه والحمد لله
و ما احتاج اسرق اي بيت او قصيدة من شخص
القصيدة نتاج الشاعر يعني تعبه وانته تعرف شلون طريقة كتابة القصيدة وشگد تتعب وتركز حتى تنتجها مو بهاي السهوله يجي شخص ثاني ياخذ نتاجك واحساسك ومشاعرك بدون حساب وعقاب واتمنى ان تصير لجنة رقابة على القصائد للحد من هاي الظاهرة.
اتحدى اي شخص ايگول علي الشمري يسرق من شاعر ثاني واطالبه بالدليل ... التوارد جائز لكن السرقه غير جائزة ابداً
واني هنا اطالبك بالابيات الي ذكرتها سابقاً
واذا ماكو ادزلك گوامه دررية (هسه يريد فصل انوب منين اجيبله ههههه)
وبعدين تعتقد شاعر مثل ناظم الحاشي ما معروفه ابياته مثلا !
ناظم الحاشي ابو امير ابن ولايتي ومنطقتي وجيراني بعد
طيب لنفرض انه اخذت منه ابيات هل من المعقول شعراء الحي مايعرفون ابيات ناظم !
او متذوقي الشعر الشعبي ما يعرفون ابيات ناظم او قصائد ناظم
واني من طبيعتي اي بيت او قصيدة اكتبها اعرضها على شعراء كبار مثل حيدر المياحي واحسان الجوراني الي هم اقرب الى ناظم مني قبل لا انشرها لان اخاف من الخطأ بالوزن ..... واذا كان هذا الشي موجود كان حصلت تنبيه على الاقل !
خلصت الاسئله لو بعد لان صراحة قفلت واريد انام
(وهنا رفعت الراية البيضاء لشاعرنا الجميل ههههههههه)
لا هذا ولا ذاك
بس اني عندي روتين وماشي عليه
يعني جدول للنوم والگعده الصبح والدوام
بس اذا عندك اسئله عادي اطرحها واني اجاوبك
((سرقة الابيات يا صديقي هي اكثر التهم التي تزعجني وتزعج اي شاعر او كاتب ))
وبهاي المناسبة احب انطيك خبر انه بعد العيد ان شاء الله
راح يصدر فيديو كليب لمطرب عراقي اصيل مقيم في الخارج (ما احب اطرح اسمه حالياً ) يغني احدى قصائدي الي ماناشرهن
وشكرا لك لاستضافتي في هذه الفقرة الرائعة والمزعجة بنفس الوقت
بس كون هذه الابيات الي دازهن للمطرب العراقي ماسارقهن ... بروح جبرة عليك
وشكراً لسعة صدرك وكلبك الجبير
اكرهك ضياء
وهم اكرهك واكره البصراااااااااالعزيز والغالي الشاعر علي الشمري .... شكراً لك من القلب
كنت مع برنامج صادوووووووه ووقعت بالفخ وهذه كامرة خفية ههههههه
كل التهم التي ذكرت هي غير صحيحة وهي من نسيج الخيال وليست حقيقية
جداً اسف واعتذر من حضرتك فأنت شاعر ومميز جداً ومملوح بابياتك الجميلة
دمت بحب
تحية حب للعزيز والصديق الشاعر المميز علي الشمري ونعتذر منه هذا الازعاج ههههه
أما انتم احبتي انتظرونا مع ضحية اخرى من ضحايا صادوووه
مع السلامة
المواضيع السابقة :
Suzana - صادوووه مع ضياء المالكي
نايا - صادووه مع ضياء المالكي
رد مع اقتباس
اني المسيچين تسوي بيه هيچ ضياء 