هنا

[فقار الكرخي]

حبيبي اسم الله..
گالولي عليك تحرگك عيونك
يـ كون البيهن بگلبي.. واموت ولا يوجعونك
يبو عيون السمه الزرگه
الحزن ميلوگ لجفونك
يمته احزانك تخونك ؟
حبيبي الدنيا مو حلوة اذا ماتضحك سنونك

حبيبي الدنيا والبيها.. سبع فدوات تغديلك
دخيلك كف بواچيك وخلها عيوني تبچيلك
ذب حزنك بروحي ونام..
نام وخلني الوليلك
ذبة شما كبر حزنك..
احبك وابقه اغنيلك

حبيبي اضحك..

اضحك للهوه المحتام لزلوفك
سير غبشة للوردات واسگيهن ندة حروفك
اطلع كل مسية غروب.. للگمرية خـ تشوفك
بلكت حزنك يعوفك ..

حبيبي آنه هلك وانته بغلاة الروح وزيادة
سنة الجاية وعيونك تنام ومتني الوسادة
واشمك من تراچيك لحدر ذيال الگلادة

واگودك من اصابيعك
وادليـك الـنجم كـلة..
واَشوفك عينك الحلوة شحلاهه بخطة الكحلة








علي قيس

[نونه ★]

شكرا للبداع