هنا

[فقار الكرخي]

بعيد ميلادي
انولد موسم جديد
موسم بلون الربيع ولون ضحكات الزغار
العازل افياي الورد
حصة لعبهم
بليلة الميلاد كلها تغني يمي
وفرحت الديرة وهلي بجية سماري البيه
تسع نهران من طيف الشمس
ومسامر شلبهم
بليلة الميلاد كلها تغني يمي
الضلمه والغربه ومحطات الضياع
وشمعة الوحشه وصبرها ودمعة امي
الگمطتني بجف حزنها
وشاورتني
يبني ثور بكل وكت لو جار ظالم ع البلاد
وكون اريدك اول اليصحون بالدم ع الشهادة
وللگمر ينزف ضواك
وبيدي اطش چكليت عرسه
وشاورتني
لاتخلي الليل يطغى ع السطوح
حته لو باگ الشمس صير انت شمسه
ودَلي كل فراشة ع الوردة البعيدة
وعيش واضح
ولاتخلي الضلمه تكبر ع الشواطي
شما يضم الغيم گمرة اكتب قصيدة
يبني واسمك خله عنوان المحبه
ويشبه اسم امك اريدة
يبني شاعر شعبي جبتك
شما يمر بيك الحزن غني بلهفتك
وكبرت اسنيني وكبر حزني ولهفتي
و ٢٤ شمعه من العمر ضاعن واغني
وبمثل هل الليلة اجيت
لكن الليلة حزين
لكن الليلة غريب
جان ابوي اليحتفل بيه وبجيت
الليلة محد محتفل بيه وبچيت
لافرح فزز ضحكتي
ولافزع جف لدمعتي
الليلة محد غنه يمي
امي ملتهيه بحزنها وموت ابوي
الدنيه ضمتني بحزنها وشطبت اسمي
بموت ابوي
بحزن ابوي
بغربة امي اخلاف ابوي وشطبت اسمي
الليلة محد غنه يمي





حسن الترابي

[فخامه رجل]

[أستثنـآئيـّةة❤️]

موضوع رووعه