أدري بيك تحبني حيل
وتعبيتك ونفضت بيه الشليل
وطشرتني ولملمت
حضنك كرامة
جي لأن عفتك تماشي
جفوف غربة
بدرب ليل.."
وهسه ما اگلك عرفتك
لا اگللك : عشگتك
آني اعرفك من زمان..
وادري بيك تعلقت بيه
وفضت بيه حنان...
ناوي تهجرني
ونسافر
كلمن بدربه
بوكت ما بي أمان..؟
وهسه جاي تگلي
عوف اسوالف
الحب والغرام؟؟
شنهو علمي
بگلبك اشجان ايتراودله حلم
لمن تنام..
المشكلة نارك جوتني وعطبتني
وقابلتها بكل برود
تعرف ليش؟
لان جنت ابوكت جان الحب حرام
كلشي بالنسبة اليه جان مُحرم
رغم جان الليل مُغرم
والگلب كل لحظ يهتم
وانت لا گايلي احبك
من وكت وطشني فرحة
ولا زرعت بگلبي مأتم..
هسه تقنعني منرهم؟
اني مو شخطت جرح
والتام رأسن
مثل جرح العملية
من آعشگ آني
جف اليفتگه يخيطه
مستحيل ابوحدي التم ..
سجاد محمد
رد مع اقتباس
المشاركة الأصلية كتبت بواسطة روجـيـنـا
