هنا

[الشاعر هاني حماده]

اكو واحد ، عنده خروف راد يبيعه بالولايه ..
ركب على المطي ( الحمار ) ماله ـ اجلكم الله ـ وربط بركبة الخروف جرس حته يدك
ويسمعه من يمشي بدون ما يلتفت وربط حبل بركبة الطلي وشده بذيل الحمار ..
اكو مجموعه من الحرامية تابعوه ..
صاحبنه يمشي براحته ولن واحد من الحرامية حل الجرس وربطه بذيل المطي وكص الحبل واخذ الطلي وشرد..
المطي ابو صابر ما صدك بصوت الجرس وجان كام يفر ابذيله وهو متونس على الرنه .
مشه مسافه ولن واحد من الحرامية كاله :
عمي اكو واحد يحط جرس بذيل المطي ؟
كالهم ..
عمي حاطه بركبة الخروف ..
ضحكو الجماعه وكالوله وين اكو خروف عمي ..
اتخبلت انت ؟
دار وجها واذا الخروف ماكو ..
كالهم بالقران انبكت ..
كالوله شفنه واحد ماخذ طلي اوصافه كيت وكيت طب ابذيج الدرابين ..
تخلي المطي يمنه وروح دور ..
لمن ايس ورجع لكه الجماعه فالتين بالمطي ..
امره لله كام يمشي برجيليه للولايه ..
عطش وشاف بير بالدرب يمه جماعه ..
اجه يشرب ..
كالوله عمي اكو واحد يدك مشي برجيليه بهل الهيمه ..
سولف سالفته ..
كالوله تعرف تسبح ؟
كالهم ايه ، كالوله خوش ..
طاح من عدنه جيس بيه ذهب بالبير ..
طلعه وننطيك فلوس الطلي والمطي ..
اخونه نزع هدومه وطب بالبير ..
اثاري الجماعه من الحرامية خذو هدومه ومشوا..
الرباط ؟؟

[انثى مخمليةة]

ههههه حلوه القصه

[فخامه رجل]

حلووه القصه