هنا

[فقار الكرخي]

اليوجعك لو اخو لو ابن الولايه

جربها من تختنگ ولفك يضم مايه

شابع سفر يم هلك
من تبرد بغربتك تتغطه بحچايه

من طحت اول امس
محد حچالي الصدگ بس وجه المرايه

كلمن طلعله كلب
الظل يرجف بهل وكت بس انه والرايه

والبارحه بلا وعي خلصت نص صبعي
ليش الاحبه صدگ يحلا بكلب ربعي

وشحچيلك بهايه
محد حچالي الصدك بس وجه المرايه

سافرت بين الصور من طاحت الدمعه
ولو شفت صاحب عثر ما كضه من وضعه

شما غمضتلي جفن يبقه الگلب گاعد
هو انه ميت گبل بس من طرف واحد

وشيعوني مثل الظرف من شال الحچايه
ومن طحت اول امس

محد حچالي الصدك بس وجه المرايه




م

[كبريائي قاهرهم]

مبدع كما عهدناك

شكرا لجهودك الرائعة
ودي و تقديري مع الاحترام

[حہيہدر الہبغہداديہ]

شكراً لأناملك التى خطت
هذا الإبداع وهذا الجمال
بإنتظار إبداعاتك القادمة..
لك منى كل الود والإحترام
............