كالولي اخذ طوق النجاة وياك
موج الشوك عالي.. اليتعب يغرگه
و ابد ما فكرت يمته اوصل على الراكـ
بس شكد حلمت بروجة الملگه
إيــــــهاب
كالولي اخذ طوق النجاة وياك
موج الشوك عالي.. اليتعب يغرگه
و ابد ما فكرت يمته اوصل على الراكـ
بس شكد حلمت بروجة الملگه
منو الياخذ حلم ؟ من يطي زايد بيه ؟!
حلم كلش جديد و ما استخدمته
أبيعه لغير واحد مثل ما سويت
وياي و حنينك للغرب بعته
مثل سچينتك راح انسحب بهداي
حتى اترك حياتك و اطلع بسكتة
بلا ما تشعر و يكسر قراري الشوگ
و اتراجع و اگول تسرعت خذته
ردت ينباگ جرحي و رصعت بيه ماس
ردت اغوي الحرامي و من رفض لمته
أنا الطير النزل للطعم من حطيت
روحك للضحية و من نزل صدته
ترك لاجلك سما و راويته المجازاة
من گصيت جنحه و للقفص جبته
عفتني وي الجگارة اثنينه مورثين
محد طفه الآخر و انطفيت انته
#إيــــــــهاب
باهته وجوه العرف والملكه بارد
واحنه واحد مادراش بضيم واحد
حزني يشبه شيلة امي
مسرد ومگلوب لونه
والبقن عندي ابتسامه
مكلله بحزني وضياعي ،
وشوگ باهت ، والشفايف
صفره مِن كثر التعب
و الفرح طر المدينه
وانطه للناس التريده
دگدگ البيبان كلهه
ومن وصلنه انشلت ايده
آخ يا حزنك يگلبي
جمره مضمومة بجريده
احتراما للجرح مااوكف اوياك
وعلى نفس الدرب ماخلي ممشاي
كتلك عالسوالف بعدك صغير
صير بكبر جرحي وسولف وياي
لا عاد الصبر يلچم مصب العين
ولا مثل الخلك بدموعنه أنمثل
طالت والعمر
كلما تلف بيه يطول
غم ذاك العمر من ينگضي أتعلعل
من تحجي الزلم..
خل تحجي طك بطك
مو كاتبلي كلمه ويكول مقصوده
ياگلبي يابو الصدگ
يالما وكفلك بشر
يالعازتك عازه
تذكر ضحكنه شكثر
مدري بچينه شكثر
جا هيچي نتجازه
ميثاق الهلالي