هنا

[هــاجــر]

انا مغيّم سهر وأفيّاي
اريد امطرلك اجفوني ودفو إعيوني
بلچي ارهم عتب لشفاك !
اااااشفاك البيهن مدري جم زمزم تبده وذاب


- حيدر الحمداني

[هــاجــر]

ياهو اليشيل الحزن عني
وجوه النسوني يوجعني
مره ابچي وحدي و مره اغني
و ما صحلي واحد يفتهمني


- حسين الحبتري

[نالين]

نسيت عيوني ،
والوحشه قرتني اكتاب
وحدي ..وصرت حايط ويه هالحيطان
وتراب الينث اتراب
صوت السكته بضلوعي حرك عطاب
من وحشتي ، وجمرة وحدتي
بابي علي صاحت :
ولك محد يجيلك
حتى لو غياب
صاحتلي..وحزن دكت ..
علي الباب

رياض النعماني

[نالين]

الدمعه جذابه
والضحكه جذابه ..
ومنين اعرف الصدك حتى اوصل البابه
ماريد شوك النده ..
طبع النده اويه الفجر ويزاعل احبابه


خنجر خصاف

[نالين]

عيوني احطها بيا وجه..ماشوفن عيونك
(اسمك اكوله بلا وعي للمايعرفونك)

ضلمه وصغتلك چم گمر
ما اغفه الا وي الصور
وديلي لو بس الضرف ماريد حتى شلونك

لچمات الك وبكل كتر وانطر بعد تلچمني
چم گلب ذبيته وترد ياهو اليطلعك مني

چم دوب احن الچمتك واتنَطر
هو انه لوما غيبتك ما اكبر

(مخليني امشي بلا وعي واعثر باليشبهونك)

لو جابو اسمك يا حرز يحميني من الرجفه؟
وياهو اليگومني بعد..طرواك لو مر صدفة

||فواز رشم||

[سـجاد محـمد]

حرامات المشيت الهن مشني
هذا آخر سلام لروحي مني

المطوري

[تشيللو]

چفـيان شر لگلوبنه أنشيل ..؟

وناخذ أصورنه والمراسـيل

هيه المحنه مو تواسـيل ....!!!

[صفاء العامري]

‏⁧⁧صح بالجنوب انعيش صح احنه ملحان
بس ماطلع خطار من عدنه جوووعان

[صفاء العامري]

‏ياعيني لو سبعين يوسف يلاگيچ..
مايرد شوفچ غير ذاك الگطع بيچ..

[فقار الكرخي]

ليش ما حاسبت روحك ؟
خفت من وقت الفراغ ومو عَليه

أنت ما تهتملي
-ليش امن ارد اغيب تلوم بيه ؟