هنا

[الشاعر هاني حماده]

عيد ودمع وجروح يلتمن شلون
كلما اگول انساک تفضحني العيون

تدري انه گبل العيد عاشورك وياي
حاسمهه لو مو عيد ماتضحك اشفاي

الگلب گبل الناس إتعنه دارك
ملهوف اجاك ايگول عيدك امبارك

گالولي اجاك العيد چا ليمته اتهيد
عيد اليمر بجفاك ماينحسب عيد

تدري آنه گبل العيد عاشورك اوياي
حاسمها لو مو عيد ماتضحك اشفاي

صايم على فرگاك غيرك فلا اريد
أفطر أنه بملگاك وك شوفتك عيد

كون الفرح ينباع واشريلك العيد
يالشوفتك عيدين عيد احله من عيد

بالعيد اشوفك وين يالشوفتك عيد
مشتاگه روحي اليوم وتشوفك اتريد

هاك العمر واختار من عنده شتريد
بس كون اگضي اوياك صبحية العيد

العيد اجانه العيد اشلون اهنيك
أهديلك آنه العين لوبيها اخليك؟

إنتي الذهب والماس والجوهر انتي
والدنيه تصبح عيدكل ماضحكتي

بالسنه ثنين اعياد أسمع يگولون
وكل ضحكة منك عيد ياحلو العيون

گالولي باچر عيد إلمن تعايد
مادروا إنته العيد وبگلبي گاعد

فرحة وسعادة انطيك بس گلي شتريد
ومني اخذ بوسات من هسه للعيد

عيدية الك بوسات ما منها موجود
تطبع على الدلال لامو عالخدود

خلني بعذاب الشوگـ مارايد العيد
چي لنك انته اليوم عن عيني ابعيد

الصايم يتاني العيد لهلاله ينطر
بس آنه اصوم اعليك وبجيتك افطر

مو ماتجي متانيك وك كلبي ميهيد
لو ماتجي قرايات يتحول العيد

ملهوف اجانه العيد ها كتله شتريد

[نـارڤـين]

حبيتك وآنه ادري بدربي ويا
دروبك ما يتلاگه.


جواد حسن

[نـارڤـين]

امجرّب احساس اليحـن ؟
بصحراء مفتوحه و يحـس روحـه بسجـن

[نـارڤـين]

ويبات الحزن يمي
احطه بحضني و يگلي بعد دنيني يم گلبك

[رحيـــل]

صرت غلطة بحياتي الكلها اغلاط
وانت اول غلط صح بحياتي
مالومك اذا ماتدري اهواك
بس المشكلة صرت انت ذاتي
يعني اشتاقلك من احجي وياك
وصل بية صرت كل امنياتي
مشة بدمي غرامك بعد ماطيب
وابشرك محتضر واصل مماتي
طب بية نفس خليني اشهكك حيل
واكتبني اعلى صدرك حب حياتي

[ميمـ♥̨̥̬̩]

حارس راح اصير ابشارعك مجبورحتى اكدر اشوفك انه يوميه


وذا مر يوم بيه اوماشفيتك بيه
اباب البيت اشغلك احاديه


راح الناس تطلع وانت ويه الناس
ابهاي الحاله شفتك ميه بلميه

****
واذا الناس سالو عمي شنهي الصار
ابشارعكم شفت عمي حراميه


طبع جي كمت احبك ماانام الليل
وانت الليل كله اتنامه عاديه


سربيه احبك وانت ماحسيت
خلي احساس عندك حس ولك بيه

****
يم بيتك شغل ماعندي بلعباس
تاخذني على بابك كوة رجليه


يجي يوم اواصيدك وانت راح اتشوف
بس تطلع اذب عليك سليه

*****
وذا امك اجتني اوكالت اشسويت
خاله اتوهمت عبالي حوريه


واذاظنك احبك انت غلطان
عمي الكلب حبك اني شعليه

[نہٰٰ۪۪ﹻٰﭑزڪہٰٰ۪۪ﹻٰھہ]

هم تشتاگ لعيوني
لو عني الوكت دارك؟
اوييلي شكد الك مشتاك
اموت واعرف اخبارك


ابو_فتيأن

[نہٰٰ۪۪ﹻٰﭑزڪہٰٰ۪۪ﹻٰھہ]

اريد افتهم ياهو انا؟
الغريب الماله شرايه
التبيعه الناس بحجايه
لا يمكن هذاك العاش
كل العمر تجاية
عشت مثل الهوى مطشر
ولا مرة بفرح لمتني الولاية
وعشت مثل الظلام سنين
مامره طلع وجهي بالمراية

[نہٰٰ۪۪ﹻٰﭑزڪہٰٰ۪۪ﹻٰھہ]

صح ما متت من فرگتك
بس ناسي رآحة بالي

[نہٰٰ۪۪ﹻٰﭑزڪہٰٰ۪۪ﹻٰھہ]

جرحه وزين يندلّه

ويكَلّي اليوجعك وينه


#عبدالكريم_القصاب