هنا

[الشاعر هاني حماده]

شتطلب گالي أمرني متر تين
للطوله عنب متره ومتر تين
من حسنه ردت صدگ متر تين
متر للناس كلهه ومتره اليه
---------
ظلام البيك داكن شقسمانه
وتريد وياك عالحب شقسمانه
جلد كلبك اعرفه شقسمانه
شجاني وجبت كلبك بين اديه
---------
يدنيه شعندج من ارماح وجهي
ولو جان بمكاني ايوب وجهي
اباوع بالمرايه وشفت وجهي
دنك ماحمل ضيم العليه
-------
مو عيني دمع جسمي ينز لك
يبيتك بالكلب صاير ينزلك
علم عالراس من يكدر ينزلك
والخدمتك روحي لبست عسكريه
-----
اليحبونك بصدك لا تسلهم
وابد عن سبب حبك لا تسلهم
لمن احجي وياك عفيه لا تسلهم
احس تاخذ الروح بغير جيه
------
حبك بالكلب غالي وشلتك
ودمعي بيوم هجرانك وشلتك
احب كلبك وصحبانه وشلتك
واحبك حيل يالمبعد عليه

[فقار الكرخي]

عاشت ايدك ابوذيات روعه

[انثى مخمليةة]