سالفه ورباط
أكو شيخ عشيره من
شيوخ الأصل أسمه ساچت
هذا الشيخ ماتصير عنده خلفه ماعنده لا ولد ولابنت
وعنده بالمضيف گهوچي اسمه ( گناوي ) هذا گناوي شغله يخدر الگهوه ويصب گهوچي وچاي وماي بالمضيف ولو راد يگعد يصير مگعاده بطرف المضيف
شيخ ساچت عنده تفگه معلگه ( برنو طويله ) بصدر المضيف وگبل كل شيخ من الشيوخ عنده تفگه تسمه بسمه وخاصه بيه بعد فتره من الزمن توفی شيخ ساچت وطلعت الشيوخ تشيعه وكل شيخ مخلي تفگته بيمينه ويرمي
گناوي الگهوچي شاف الشيوخ كلها ترمي صفن گناوي وگال هسه أني أظل دووم گهوچي أشو الشيخ ومات وذيچ التفگه ( البرنو ) معلگه بصدر المضيف
تجاسر گناوي وراح وأخذ تفگة شيخ ساچت وطلع گناوي صف بصف يمشي وي الشيوخ وظل يرمي وياهم گالو ياهو هذا گناوي أفا أشلون أتجاسر گناوي وأخذ تفگتة الشيخ المهم أم شيخ ساچت سمعت چيلات تفگة شيخ ساچت ثارن طلعت بره گالت ياهو هذا أخذ تفگة الشيخ وظل يرمي گالوله هذا گناوي
هيه هنا هزت براسه وهوست ورباط هوسته يگول
( عمت عين الدنيه وشوف شتساوي
من ساچت التفگه ليد گناوي )
هسه رباط السالفة صارت الأمور بيد گناوي وغيره حشه الطيبين........
اللهم أحفظ أهل الحظ والبخت الحاظرين ويرحم الماضين منهم....واحفظ العراق واهله الطيبين.بحق محمدوآل محمد
رد مع اقتباس
المشاركة الأصلية كتبت بواسطة محبوب القلوب للتصميم
