دارميات عراقية شعبية
سلاني سل فركاك اوجر بلعضام
ذب محبسك بلراس يوصل للجدام
جتالي ويداعوك وكعد وبريك
كاومت اخوتي اعناد جي هدو اعليك
مازن الحمزاوي
كارصني كلبي اعليك من كعدتك هاي
واليمك ايخربوك كوم اكعد احذاي
اياد عبد الله الاسدي
امكيل ابنص ماي جابولي طاريك
ورثت من الجاز حد جحفتي اعليك
جنت الحديد اطويه هاعرضه الحزام
هسه ادبج اعلل بيض ماينكسر كام
فاله ام سبع شاخات كل شاخه سنين
حطهه ابدليلي اوكال مالا حتك زين
السبحه بت اجواد كشختهه جف ايد
يل كهرب اشوداك للموش اجاويد
سيف الشبلاوي
وديته للعباس دمعي ايتلطلط
البره كام ايفوج ول بلصحن غط
اتواضعت حد ما كام مايمشي سوكي
وادم عمرهه اكماط تتشلبه فوكي
الخوه ساحت خيل ومزامط ارجال
يعبرهه بس العاش كل عمره خيال
لا ول حجر والبيت والحج ولحرام
انسه الله كون انساك وبره ام نلسلام
من جرمن ايعرفون بيه انه هاويك
ايعرك بجويريد وجهي ام نلاكيك
صابني عشر امراض وهونهن السل
تسعه ابسكم وبنوح ولآخر الذل
تواضعت حد ماكام مايمشي سوكي
وادم عمرهه اكماط تشلبه فوكي
كلش خشن فركاك وانه اترف الحال
طكاني سهم جفاك وبطكته كتال
ش/كرار عبد الحسن
وحدي أ.ولتني الناس وانه ابصريفه
فزعت والفزاع يمشي اعله كيفه
منقول
سبني وكلت ميتين غثني وكلت ضيف
طگني وگلتله تهـون طگتـك مطر صيف
منقول
ترضاها اضل عطشان يالبيدك الماي
ميت و اموت اعليك هم سامع بهاي
علاؤؤي الاسمر
فك ياخة كف وجوز عف عني بهداي
ياوكتي ليش الحاگ دگاتك وياي
منقول
من طيبي كل الصار أي عندي تقصير
قدرت ناس هواي ماتسوه تقدير
منقول
كاعد اومر ذكراك كوخلي العضام
تلفلفت جن اخيوط من اول العام
سعد الحلفي
تلفلفت جن اكوار صوف وكطن بيه
هيج انه بالي عليك ياهو اليصفيه
منقول
.
شايف الابرة شلون ناعم زرفهة
بالعرض مو بالطول روحي تعبرهة
مصطفى الكناني
سلاني سل فركاك مره اعله مره
انطبك ست طبكات ودخل بل ابره
تراث
رد مع اقتباس
