هنا

[فقار الكرخي]

بقت عندي رساله وردت اوصلها
اوديها الأخو زينب وكافلها
چفت وياي دنيا العوز مولاي
ونه احچيلك سوالف وانته حللها
المعود چفوفه ابعازه تنباس
يمدها الغيرك انته شلون تقبلها
المخلص حياته ابهاك ماهاك
فشل روحه العزيزه من يذللها
الچفوفه سخيه ابترس ماعون
ومعود على الطيبات يشتلها
بعت كل الحچي گدام العيون
وصرت مثل العماها واجه يكحلها
امواعد والجروح اگبالي زودين
والنوب المرض وبحالي كملها
الي ثالث سنه مطروح بالگاع
وعلتي شمااجرب ماكو حل الها
لاواحد نشدني وگالي اشبيك
لافزعة رفاگه وربك ايفلها
يعباس الصعوبه ابحالتي هاي
اعوز والكرايب عيب اگللها
اخنگ بالسوالف وانه معتاز
وادري انه السوالف ثور ماكلها
نخيت شگد نخيت وماكو حلال
يوميه اعله حضره الروح تدخلها
انه ابابك واجيتك معتني اعليك
امد ايدي واريدك ماتفشلها







سلوان الموسوي

[سمراء من قوم عيسى]

الله عليك
اختيار مميز

[كبريائي قاهرهم]

احسنت الانتقاء
لا حرمنا جديدك القادم
ود لا ينتهي