هنا

[فقار الكرخي]

لا تدفعني يمه وتخسر الجنه
هضيمة ابابك اوگع وانترس طين
مهله انطيني الم جروحي والشيب
غراض منيلي بدار المسنين
دمعتي وشيلتي يم عتبت الباب
طاحن من طحت مثل الحياطين
جفك من سطرني اتذكرت ذيج
جفوفي التنرفع ونخالك حسين
من تطلع يحرسك واشمر الماي
يالتشمر اهدومي بوجهي وتهين
فشلتي بكد عباتي الغطت الراس
من گالتلي مرتك لا ترجعين
ذيج الحظة كلشي البيه مشلول
بس دمعاتي تمشي والها رجلين
بيام الحصار بعيني اغديك
اذا خلص خبزنه وشح الطحين
بعد شنطيك يمه احجيلي وانطيك
مو بس الحليبه انطيتك اسنين
يالشلتك ابطني وخوش جازيت
من بيتك شلتني و للدرابين
اعتب عالبطن ما اعتب اعليك
شجاها اتشيل واحد ما يرد دين
بوجهي تهز اديك وتطبگ الباب
يالجنت اني اهزك والمهد عين
مضيفك يبهت بعين اليجبلون
اذا دله انجفت مو عالفناجين.




سلوان الموسوي

[سمراء من قوم عيسى]

مؤلم جدا
شكرا ع الاختيار

[كبريائي قاهرهم]

لله درك
موقف مؤلم
كتلة من المشاعر والاحاسيس
تحملها طيات هذه الحروف
شكرا لك
ود و احترام لشخصك الكريم