هنا

[فقار الكرخي]

خلخالچ باچر يتحاسب
چي شايل بذنوب الوادم

يبنيه الشامة وضحكاتچ
مامش منها بكل العالم

مبخوتة الكحلة لبعيونج
وهنياله يضل ذاك الخاتم

يبنيه وخصرچ مااحجي
من احجي الوادم تترادم

يبنية چفوفج تستاهل
چف اترف من جفن عيونچ

اتمنه بشعرچ لو خصلة
حته انحل واغفه اعله متونچ

يحليوة حليوات هوايه
بس اهل الديرة يحبونچ

يالگمرة اتهدي وگضيهن
ليرمشن ذنيچ عيونچ

يالچنج طاووس انغري
لايگلچ دور المغرورة

حسنچ يستاهل نسجدلة
حت لو مريتي بتسيورة

كون اسمي اعله شفافج يطفح
چا بيتچ من هسه نزوره

راويتج لامي ولخواتي
وباسن حت تاريخ الصورة

يامدهوره الطاح بنحرج
عن الله الراضي موش امه

والباسچ من حدر اشفافج
يتبده ومابينه نلمه

يالمامش صياد بگدج
من نظره اتطيحين الزلمة

يالشاعر گف ولاتكتب
مو حت قلمك حب هالحرمة

الحنة شگد ضلت تدعي
خاطر بچفوفج تتحنة

هوه اليم ترچيتج يوصل
يطوطح ويضل يتغنه

الطاح گليبج بين اشباچه
هذا المامش ارجل منه

نتحاسب باجر وبختج
يالرگصتينه ويه الرنة

خايف يم الله ونتگابل
وتزل عيني ومامش جنة

اشرد وين انه واتناسه
شعرچ يوم الهب بالديرة

مابيها الگيعان لحسنچ
طيري بجنحانچ يطويرة

شجم جيل الطايحلج فدوه
وبت اليوم انتي وزغيرة

طينچ يمكن يوسف جاسه
خاطر كلچ مثل مراية

يالچنج برحي اهل البصرة
تنحبين هوايه هوايه

يالعطرج چن شيلة امي
دومه مرافگني او ويايه

عشاگج كد حزن عيونچ
يبنيه شلون تشوفيني

انه العاشگ حته ترابچ
فدوات لطولچ عشگيني

اسباع وماتلوي ذراعي
بس انتي السبعة التلويني

سبحة وفريتيني بايدج
لاتبتي ولاحبيبتيني

شرايد من الله ومنچ
غير العشاگ يعفونچ

وبس انه الزلمة اليحلالچ
لو جو خطابة يخطبونج

انه اول انسان بعمره
عاشگ كمرة ورايح يخطب

جبت النجمات وچم كوكب
خاطر نطلب ايدج بالحب

ضلت يم گلبچ يبنيه
وضلت يمك ها يالرب

[أستثنـآئيـّةة❤️]

روووووعه ،،،

احسنت