هنا

[الشاعر هاني حماده]

بيش أوصفك
وأنت الله خصص الجنه ألك
وأنت بچفوفك درى وجه الفلك
يلي أوصافك بحر مايه عبرات وعبر
جروفه ألوان وصور صفحه بكتاب الدهر
بيهه حگه الشاعر يوصفك ملك
بيش أوصفك
خايف احچي ويجهله القصدي البعيد
خايف أفكاري تقصر ما توصف دم وريد
خايف اكتب كلمه عنك بيهه أضل خجلان منك
جندي مثل الجبل چنك بجيش أبو الأحرار أضنك
ولوله دم حسين دين الله شهيد
بيش أوصفك
وأنت حشد الله المقدس
وأنت بيك الوطن عرس
لان كل غالي بذلته
أمر مولاك امتثلته
داعش بجدمك سحگته
وعمرك الباقي نذرته
يومك بروحي انغرس
بيش أوصفك
يلي يومك شاهد بيوم التلاق
يلي صوتك راعب گلوب النفاق
يلي فعلك شعله بدروب الشهاده
يلي عزمك صوره بعيون الاراده
يلي اسمك شرف يستاهل سياده
يلي دمك رافع أعلام السعاده
وللنصر شايل علم اسم العراق
بيش أوصفك
راح أوصفك ماي صافي منبعه
راح أوصفك بطل طاهر مرضعه
راح أوصفك أسد غابه
العالم محسب حسابه
والعده كلهه تهابه
سجل أمجاد بكتابه
والأسد معروف طبعه بلايه شك
******
بقلمي

[Mohammed K.F]

الله يحفظ الحشد وكل الابطال من القوات الامنية
عاشت ايدك

[الشاعر هاني حماده]

[انثى مخمليةة]

حٌلَوِوِوِ
عٌأّشٍتّ أّيِّدِګ