يافيض مشَذر كَمريه
طَفطف روح الناس ألجفت
بَلجن تردس للحنيه
وبلجن ترجع ذيج الغيره
الجانت تنقذ كل جوعان
وتفتح باب الله بلا نيه
يافيض اتَسرسَح يم ناسي
ونَده كَاع البارت عدهم
بلجن تشبع كل فختيه
كَبل (المدفع) جانو ناسي
يذكرون الفقره برمضان
ومن يثور(المدفع) تشبع
كل الفقره بلا منيه
وآتذكر جانت وادمنه
يفترون بكل الديره
خافن ما (مُفطر) جوعان
و (مُفطر) بس بطاس اميه
وأ اااااه يا ذيج ايام الجانت
بيهه النلتم عالصينيه
جانت لمتنه يحبهه الله
جي لمة وادم فطريه
ومنّ نّخَلص كلنَه نَسير
نلتم يم باب الجيران
ونتبده سوالف شذريه
ونبدي نسولف عن واقعنه
وعن غيرتنه وعن نخوتنه
وعن مَضَايفنه العُربيه
و (محيبس) اتذكر نلعب
وفختايات الديره تعاين
ويضحكن لو مره نغشش
وينثن نَظرة حنيه
ولمن يكَبل لينه العيد
تهلهل كل نخله احنه ويانه
وتتشضه عثوكَ البرحيه
واطفال الديره يلعبون
و (المرجوحه) اكبر عيديه
واهلي الجانو ماينسون
(الفطره)ولا ينسون النيه
وياطعم (كليجة) أيد امي
وياريحتهه تَشبع الريه
ويا بوسة ايدك يابويه
بس كونك راضي انته عليه
اتمنى ترد ديرة اهلي
وترجع عادات المنسيه
..........................
سلام الكريزي
رد مع اقتباس
