هنا

[Nazkul]

يااهلا بفقار نورت والله

منتظرينك

[فقار الكرخي]

في نهاية استضافة الصديقة العزيزة يوجين لا يسعنا الا ان نتقدم لها بالشكر والامتنان والتقدير على سردها الرائع وقبولها ان تشركنا في تفاصيل حياتها...متمنين لها حياةً سعيدةً ملؤها التوفيق والنجاح

ونستقبل الاخ العزيز والمشرف الشاعر فقار الكرخي لينقلنا في رحلة مشوقة الى عالم ذكرياته

حياك الله

اهلا وسهلا فقار
ضويت
بانتظارك للسرد

هسه اسردلج
مشكورة

اهلا وسهلا بالضلع الي ماينشلع منور

بعد روحي حيدوري

اهلا وسهلا فقار ،،

بالمهلي يالغالية

كل الهلا بالأخ العزيز فقار

حبيبي استاذ ثامر الطيب

يااهلا بفقار نورت والله

منتظرينك

نورج يالغالية

[فقار الكرخي]

وهسة خل احجيلكم عن حياتي بين رمضانين

طبعا قبل كلشي احب تعرفون
انو اني ما احب شهر رمضان . اتخبل منة
ما ادري ليش

يجوز بسبب خربطة اوضاعي
من النوم ماكو
طبعا اذا عندي دوام مستحيل اصوم
اصوم فقط بأيام العطل
يعني شهر رمضان اصوم بي 6 ايام بالزايد 8 ايام
المهم نرجع السالفتنة
خل احجيلكم من اخر يوم خلص بي رمضان
من خلص رمضان الفات مباشرة
امي سوت عملية فوق الخطرة بالدماغ
وهنا بدت المعاناة
طبعا العملية مسألة حياة او موت
ورادو واحد من ولدها يوقع
يعني اذا ماتت . المستشفى ما تتحمل مسؤلية
ومحد من اخوتي قبل يوقع
وهي تلوب وتبجي من الالم وتكلي بروح ابوك خل اسوي العملية وتحلف بية
ضليت مهزوم منها شهر
حتى ما اروح اوقع على موتها
اني منا ابوية شهيد ومنا تعال وقع على موت امك
اخوتي قافلين . وهي منا الالم لايطاق
ما اكدر اشوفها تتألم . ولا اكدر اوقع خاف تموت
وتعال جيب اليتحمل هاي المأساة .

[فقار الكرخي]

كلولي اخذها زورها بلكت اتطيب ؟
مخليت امام او واحد عندة بخت ما زورتها اله
تالي ايست
انوب بدت الشكوك تاخذني البعيد
تالي اخذتها ورحت للمستشفى
و وقعت على اجراء العملية
وقبل ما اتخذ القرار يومين منايم .
وكتبت رسالة 3 صفحات .

من بين المكتوب .

(قتلت نفسي حتى لا اموت مرتين
بوفاة امي
جهنم ليست اشد بأسا من فراق امي
سأعيش خالدا هناك ..)


واتخذت قراري انتحر اذا ما حدث مكروه
والحمدلله عدت على خير وطلعت سلامات ونجحت العملية .
طبعا نسبة نجاح العملية 25 ب 100

[فقار الكرخي]

طبعا هاي السالفة اخذت من عندي حيل نص عمري ضاع

انوب تولد عندي انحراف فكري بعقيدتي .على كولتكم صرت ملحد
اي مو يكولون وديها للحسين والعباس يطيبوها
وديتها ومفاد بيها .

سألتهم ليش انتو طيبكم الامام
وامي ما طيبها
معقولة الأمام يفرق
محد يجاوبني .

[فقار الكرخي]

وهنا تعال فرق بين الدوام وبين امك
مينطون اجازة

ويومية عركة
بالاخير لميت غراضي من الدائرة وكتلهم استقاليت وعفتهم ورحت
وضليت يم امي اسبوع
وهناك ما احس اله صوت هوسة برة البيت
صفارات وسيارات . وصوت مال طليان
لن هذا المدير مالتي وكل جماعتي اهل الدوام وجاييني للبيت .
فرحت كلش . وعرفت انو الي قيمة
ومعزة في قلوب من حولي
وكلولي بالحرف الواحد ما غيبناك
وشوكت ميعجبك اداوم داوم شهر شهرين
احنة اخوتك وشنو تحتاج احنة يمك .
الصراحة نسيت الألم البداخلي وتحفزت وثاني يوم داومت
شكد فطير اتقشمر بضحكة

[فقار الكرخي]

على الصعيد المستقبلي ..

اشتريت قطعة ارض
وانطيت فلوسها
وطلعت الكاع بيها ورثة
يعني المعاملة مال الكاع تلعب بيك طوبة
حطيتها عند معقب وما دبرها
حطيتها انوب عد محامي ..
وبيها كومة ورثة
تجيب واحد يروح واحد
اخير شي طلع بيهم واحد بعثي
ميحقلة يبيع
زين الفلوس اخذوهن ليكدام
وبيهم واحد مسافر
واني اول يوم التكاتبت بيها وية اخوهم
رحت طلعت عمال وبدو يشتغلون بيها
لا اكدر اتراجع ولا المعاملة تمشي
من خلال العلاقات والواسطات
رتبولياها ب 8 ملايين
وما تحولت بأسمي اله روحي طالعة

[فقار الكرخي]

وية ما مشة البناء وصل لحد اعلى الشبابيج
طلع بعد الي ثلاثة ارباع المتر على طول القطعة
المساح القاسها قاسها غلط
كلولي حرامات تعوفها هاي ال 75 سم على طول 20 متر
يعني الي 15 متر
زين اني مأسس الاساس .
وارجع افلش نص البيت
واكبره
حظ المعنفص ما اجتي عدلة وراحت فلوسي

[فقار الكرخي]

وانطلبت فلوس
وضلت كاعي عالنص
حالتها تقهر
كمت استلم الراتب وانطي للدين
واليبقة الزايد من مصرفي كل شهرين 3
اذبة عالكاع .
وانشاء الله مابقة شي من الدين ويخلص

انوب ضجت من البيت
جنت مفكر ابني واتزوج بي
ولو هو بيتنه فارغ بس اني وامي واخوية
بس كلت ما اتزوج اله بيت وحدي
بس راحت فكرة الزواج من بالي مادري ليش
وعفت البناء
ومتردد ابيعه لو اعوفة

واليقهرني امي تشوفني اريد ابيع القطعة مالتي
خطية عبالها سمعت كلامها وراح اتزوج واكعد يمها بالبيت

[حہيہدر الہبغہداديہ]

متابع للنهايه