هنا

[يوجين]

البعض يلومني .. واني الوم البعض.. ع احاديثنا الشحيحه.. ماعرف يمكن ابتديت اتأقلم أو ما اهتم هوايه مثل قبل .. عصبيتي الي كانت نار ههههه هسه صرت اهدىء بهوايه ... واعقل هم

[Mohammed K.F]

احب اذكركم الاسئلة بعد ما ينهي الضيف حديثه
اتركوا يوجين تسولف وبعدين اسألوها

[يوجين]

السنه الي راحت مرت بيه حادثه كولش اتأثرت بيها وبس المقربين مني يعرفون هالحادثة ...
حيل مؤلمة بالنسبة الية .. تأثرت بيها لدرجت احسني فقدت كلشي

[يوجين]

بقيت الوم الكل .. الكل الومهم ع هالشي !!!
ومرات حتى الوم نفسي ... وحتى ربي حسيته مو يمي وقت ما احتاجيته ..
اباوع الكل حياتهم دتمشي الا اني حياتي توقفتي بسبب هالشي .. لان كان أول فرحه احسها من صدك ...
لكن مجنت ادري انو عسى أن تكرهوا شيء وهو خير لكم

[يوجين]

الي هون عليه هالشي اهلي .. وخصوصا امي جانت حيل تهديني وتكلي الله يعوضج بالاحسن ..
بس جنت كارهة كلشي ..

[يوجين]

يكولون كلشي مع الوقت يصير احسن والي يوجعك تبدي تنسى أو ع الأقل تتناسى

[يوجين]

الكل تبين ع حقيقتة ...!
وخصوصا من تمر أزمة .. تبدي معادن ناسك تبين شنو ؟؟

[يوجين]

الحمدلله مرت هالازمة .. والله عوضني بشي احلى .. واحسني دائما مقصرة أو بحاجة للإعتذار لله .. ع كد ما لمته وظليت الوم والوم ... مجنت ادري انو محضرلي شي احسن ... لذلك شكرا يا الله

[يوجين]

تقريبا هذا كلشي صار بين الرمضانين ..
ومن اتذكر شي اكوله الي حاب يسأل هلا بيه

[¥محبوب$القلوب¥]

سؤالي الحضرتج

ماهو اخر شيئ فكرتي به عندما تركتي التدريس ؟

أوصفي لنا حالكِ ؟