هنا

[فقار الكرخي]

يروحي من جفه بنيران شباج
وعليه الوكت زين وشين شباج
وعلي جرح الدليل اتكول شباج
انفتح وتبوهز الشمات بيه
...........
مالازم تحطني وياك خنيار
ولعد سهمك تعال وياي خنيار
الوكت شجلي بجفاك اردود خنيار
انعوه ويره ولكاه مثلوم بيه
............
عليه وين مالوذن كلاتي
الحزن ومصيبتي اسمعها كلاتي
اهون كون متوقفه كلاتي
ولا واكف اباب الكطع بيه




الفركه وياك ماتن جرع ماتن
حمل وجدامكم للحين ماتن
وحكك من رحت وجفيت ماتن
اجدامي وشلهن افراكك عليه



مـســآيـس لا نـفـ؏ ويـاه لاحاي
هجـرك ، والـدلـيل بـرمح لاحاي
معلـعـل لانـه مـيت علـيك لاحاي
اجـالـ؏ والـدواهـي تحـيط بـيــه




الجلب عصات موسى ..ما يجلبك
علي افعه ولاجي..ما يجلبك
وزينب بشر غيري ..ما يجلبك
استحي ماطول سوگگ صعد بيه




تريد تعوفني غيري. يهالك
وانه مربيك وانته بعز. يهالك
وعلي تكبر ولاگيهم. يهالك
وگلهم ليش ابوكم گطع بيه




شط فراگهم كالسيف. حدراي
برگبتي ونيشنت للراي حدراي
جنازه وما لگيت امتون. حدري
سحل للمگبره يسحلون بيه



شارب حالف الويلك. والوذان
يمن خليتني اتنخه. والوذان
الحلوه الفجر من انعه. والاذان
يجي وهلي بعصي يسكتون بيه

[Nazkul]

شكرا ع النشر اخيي

[سمراء من قوم عيسى]

ابوذيات جميلة

[انثى مخمليةة]

جميييله جدا

[الشاعر هاني حماده]

يكلبي ما نفع تعبك ولا ارباك
وحصتك صارت الدوخة والارباك
بطريقك بعد ما اعاين ولا اربيك
من اطيعك هم تردني لحلك حيه
........
لأن طكات شماتي بهاماي
وشل لاتظن عيني بها ماي
اذا عالذل رضى يبصم بهامي
أكطعه انجان يرضالي برديه
.......
انا الواضح والمبين ولااخاف
وانا الما رجفن جدامي ولا خف
وانا الما نكص وزني لاخاف
اختفيت وخفت خف وزن العليه
.....
حبيبي جروح الك بالروح حالا
وامس جنت احسن من اليوم حالا
اريدك تنتخيلي وتجي حالا
باجر وين ما تلحك عليه
......
تتنخه تريد اجيك اليوم بالحال
وانت اعرف حبيب الروح بالحال
شمحلها وياك ماتقتنع بالحل
ادليك الدرب وترد عليه
.......
الحديث بشاهده كالو وربطه
مو كلمن لبس بدله وربطه
حجه وماضام زلاته وره ابطه
يسولف طن ولا تصفه وكيه
.......
روحي المجد والعليه وكرها
الرؤس الخانعه اكطعها واكرها
اموت من البخل واهله واكرهه
وجريمه اشعر بخيل يسوس بيه
.......
آنا الدوه لعلاتك وانا الداي
وجريمه انت اصبحت خصمي ونداي
المثلك حصو ما نكط ولاداي
الحصو بنص المحيط ويشع ميه
......
النوايب جلد صبري ما انزع الها
ولو بالقوس ما ظل منزع الها
حبيبه تروح عني منو زعلها
اذا تزعل يدور الفلك بيه
.......
هاك اخذ الجروح وياك هارف
ها دك الكلب بجفاك ها رف
مثل خزلة غنم والشوف هارف
شتن مشن كل وحده بنويه
........
حليم وعقل عندك جنت ذا راي
وجنت نسمة عذيبي وصرت ذاري
شبيك وي الغنم سرحت ذاري
رايك والعقل راحن سويه
.....
مصايب عالكلب نصبو وللو
الهلبت ما نفعني بعد واللو
احبابي بلا ذنب للغير ولو
طبعهم غدر مابيهم حميه
......
الزمان بفركتك حزين حزنا
وعلى كل الحزن والنوح حزنا
تعال اعلى الدليل وشوف حزنه
مغيم ما صفه ومخبوط ميه
.......
انا الما اكرر بحجي ولا اعيد
ولا احسب بزلاتك ولا اعد
شمالك ما تمر بيه ولا عيد
الخلل مدري بجنابك مدري بيه
جثير هموم اعاين حاسبلها
وانا لايام ضيجي حاسبلها
صفت والذيب اجاها حاس ابلها
راعي البل غفه واثر عليه
......
وحك من كون الاكوان وابسط
انا اسهل من نسيم الريح وابسط
جنت املك مخدة صوف وبساط
الاجوني فرهدو ذني من اديه
.......
ابد ما يرحم الطايح وكتنا
جمعنا ورجع طشرنا وكتنا
اصيح اعلى الفرح اوكف وك اتنه
تركني وما سمعني ورد عليه
.......
شنفعني الجو يصاحب من خلالي
اخذ ربعي واخوتي من خلالي
جثيرة ذيول عبرت من خلالي
الزلم واشباهها عبرت عليه
......
رحيم المالكي

[الشاعر هاني حماده]

احن لگلبك الما حن واتلذذ بهجرك والوصل وياك
واذكرك وابتسم ونوب ارد احزن
حلات الذكرى من وياها دمعه طيح
شفتك تبتسم ركعه بصلاه الون
سلام الگلبك الماحن
وسلام لدمك البارد
يلماگتلي اجيك شمال افشل الروح
ليش اكشخ وانطرك جني متواعد
..... منقوله .....