هنا

[فقار الكرخي]

یمشی عکس الدنیا دربک
کلشی ضدک
ساعتک جیبک قمیصک
دیرتک ناس التودهم
کلهه ضدک
تقفل ایعوفک مسیرک
تگعد ایدچک ضمیرک
شوفلک چاره القضیتک
کلشی ضدک
ازرع امالک ابگلبک
عوف ناسک صلی وحدک
صلی من اتشوف ربک
صلی بس مو علی الجبله
دورهه اشویه تربتک
انوی بس مو فرد نیه
ولا تدنج !
شیل راسک من نویت
انته واحد تکره الدنیا نظیرک
السجده وحده !
الثانیه اتبدل مسیرک
الثانیه اتسود جبینک
یوم عاشر یوم میلاد الحسین
یوم توه الدم فتح ریج الحچی
خام ثوره اشجایبه ابسوگ البچی
یوم عاشر یوم تودیع الکتاب اویه الرفوف
یوم ضحک الدم علی اخدود السیوف
مااشم ریحت حزن
العانس ام مکتول ابنهه
آه یا شارت حضنهه
شارع اخرس
دنیا طرشه
لیل صافن
وانته وحدک بین دیره امن النعاس
وعی حلمک
ونسله بمرایة صبح
وریگه بشویة نده وبسمه و شمس
ولبسه بلوان القزح سترت فرح
وخله یمشی اویه النهر دمعه وجفن
وعلمه یکتب لنسو شارع گلبهن
للمجرات القديمه الموتن هنه و حلمهن
للقفل للبوب لسوع العتیجه الماکل الحایط عمرهن
وخله يرسم دنيا مابيهه خريف
وناس من جنس الحمام
وثوره قائدهه الورد






ياسين المعاوي

[سمراء من قوم عيسى]

اختيار مميز
شكرالك

[أستثنـآئيـّةة❤️]

جمييل

ابدعت