أودعك روح يا ليل المساكين
المقبرة النجف يا لليل وديني
ألي إعزاز بجفاهم ما نمت ياليل
بذكراهم جمر ينزل دمع عيني
***
من يوم المشوا روحي أعله ممشاهم
مثل شمعه تذوب بوادي فرگاهم
***
من يوم المشوا خيم عليه النوح
خنك نبرات صوتي حز وريد الروح
يا ليل بضلامك روحي چنهه تروح
تناشد عالمشوال تترجه ملگاهم
***
من يوم المشوا عني جفاني النوم
حواسي الخمسه ضلت هايمه وتحوم
يا ليل بأمل بالطيف أشوف أرسوم
ناس ألي صفتلي جمره ذكراهم
***
من يوم المشوا تجري أشجره بحالي
مجنون أصبحت اركض ورى أخيالي
يا ليل الاحبهم ضلوا أبالي
ذكره مؤلمه وشلون انه أنساهم
***
من يوم المشوا يا ليل انه تمنيت
أموت ولا أشوف بعيني باب البيت
لان بالبيت ذكره الهم صور خليت
اصد ليهه واگول أتمنه وياهم
***
من يوم المشوا بس الله يدري شلون
متحمل عذاب إعزازي ما يدرون
يا ليل المشوا يسون كل الكون
شلون اگدر بعد اصبر بلياهم
***
من يوم المشوا عني وانه الذكره
تهد حيلي وتگلبني على جمره
اصبر گلبي گوه وگلبي شيصبره
يليل إعزازي گلي وين انه الگاهم
***
هاني حماده البلداوي
رد مع اقتباس
