آنفتح شباجها وكَلبي عثر .
مرّه ماشي .
ماشي مدري لوين رايح .
ما جنت عاشك آثر .
صدك جانت مغربيه ،
بس ولا نجمه آعلى بالي ،
ولا على بالي كَمر .
أمشي وآمشي ،
صدفه وآشتعلت لي كَمره ،
وآنفتح شباجها وكَلبي عثر .
جنت ظامي ،
وفاضت البسمه نهر .
عيونها زخّن شذر نعسان ....
والشارع خدر ،
وانا من آبعيد ...
شمّيت بحرير آسود خمر .
معت وتبدّيت زيبك ،
وعاينولي القدسوا محرابي ،
مروا يضحكون سكته ...
وكَالوا الراهب سكر .
وآستحيت وما صحيت ،
لَمَن هزت جف وَداع ،
وآنغلق شباجها ....
وربك ستر .
عبدالكريم القصاب
رد مع اقتباس
