هنا

[فقار الكرخي]

لكيت ولايتي
بعينك بعد غربه
بعد ماتيهتني
العشره و الصحبه
شكثر غنوني
بس محد يجيس الروح
الورد بس الندى
عاش بوسط كلبه
تحب كلشي لمع وادم رخيصه كلوب
الماي يشيل
كلمن يعرض ابدربه
اخاف من الامس
بايكني ظحك اهواي
ولابيه اردن للأمس صعبه
گبل عينك عشت
ضايع بهاي الناس
الشامه بخد الاسمر
عاشت بغربه
واتبده ضوه شما
صحلي اي شباج
انه الطايح ملاكه اوادمه مغربه
بروحي اجم هلا
ماصحلي اي خطار
بضريح الما يشور
زايده الكبه
علي نديت
وبكلبي انتشه النعناع
كاعي و ماتطك
باي ماي التشربه
لمن كتلي احبك فز كبر بروح
بلشم تنسكي من تذبل الركبه
سفر للعيد
ظحك اخذني من تعبي
ضعت بروحي
و بعينك شفت دربي
شفت طولك
لحن غنيتك بكلبي
ترى المخنوك
يتنفس حجي الكصبه
شكو بغيمك
امطره خل اطكن ياس
تعبت من
الخريف و الناس المتربه
بكل موسم اغير
لون وابقه اهواك
ويظل نفسه
العشك و بروحك ترغبه
بعد ما تيه و بليل العشك احتار
لكيت ولايتي بعينك بعد غربه







خالد جبار

[أستثنـآئيـّةة❤️]

جميييل جدا

[سمراء من قوم عيسى]

جميل