هنا

[فقار الكرخي]

عيش صدگي وتشبع بهالدنيا موت
بظهرك يخضر شكو بهالدنيا دچ
صورة عد عميان بس يتلمسوك
ماكو ريج لخاطرك حن وهلچ
كلت اهج ومن صرت بالدنيا طير
هوه الله وياي گام يهب شبچ
انه طين من انوكل وانذم عليش
ادري بي ماكول مذموم السمچ
تصير عالي بالاحجار يگاطفوك
تنصه ياهو اليجي بخاصرتك دبچ
تصير لگمة تنگلب ربعك حصار
التوه سن يروح يتداين له فچ
مر حلو يلوجوك مادامك صحيح
البستك الماينجرع هم انعلچ
سيفه ماشايف شمس مودم جتيل
ومن كثر مانايم من انجر صرچ
التكتلك هذا اليسولف وراي
وانه دم اعداي بالغيم انشبچ
لايورد لاحظن لاطب يصير
هواي وادم مثل عاگول السچچ
شو دخمني كاتب بظهري سبيل
الماعرف يلزم جگاره بظهري بچ
حجم الگدامك وبذرله طيب
اكو وادم هي متربيه اعلى هج






لــ حسين العجيلي....

[أستثنـآئيـّةة❤️]

ابدعت في الاختيار