اسمك بالكًلب ياموسى مكتوب
ساكن بالدمة وشاغلها العيون
يفوح عطور اسمك لو ذكرناه
ويا طيـب الكـلام البيك يبدون
يشفاف ورقـيـق بكـل معـانيك
يحسـاس اليتامى من يفكدون
يقران المساجد وكت الغروب
وبيك بكل وكت عشاك يقرون
يقـرونك حمد وبـكـل صلاوات
بجاهك يا عظيم الشان يدعون
حارو بيك ما كدرو يوصفـوك
ولو وصفو تراهم مايوصفون
ياشهكة نفس يا اغله محبوب
العلاقة وياك مو مثل اليحبون
عـقلي موعقل ابدون طـرواك
اجن بيك وقليل وياي مجـنون
يا قاضي الحـوائج بالكـرامات
تقضيها الحـوائج كون ينوون
يدكـتور المعـاجـز والمسـاكين
بكل عله اليجولك كبل يشفون
مو حق العيون التنزف دموع
بدموم عله فكدك كون يبجون
كون ويالطم اكسرلك الضلوع
اسد بغداد كون ابجيلك عيون
الينخاك الـفرج وبجالك يعيش
يا عقل اليصدك انت مسجون
تسبح املاك بسمك بالسموات
وتعيش بسجن سجانه هارون
ضنهم قـيدوك وعـود حجموك
يا سجن اليضم بداخـله الكون
.........
الشاعر
اياد الفرح التميمي
رد مع اقتباس
