مربى اليقطين - القرع
.
منجيب يقطينة ( اما صفرا او برتقالية)ومنقشرها ومنقطعها ( انا استخدمت قوالب تقطيع عشكل وردة ومن النص عملتلها دائرة بحفارة الكوسا ؛) ) منقطعها اما مكعبات او مستطيلات اي شكل منفضلو .. هلق منغسلها ومنتركها على جنب
منجيب كلس ... 1 كاسة بودرة الكلس ومنحطها بوعاء عميق ومنضيف عليها ماء لينغمر الوعاء ومنحركها ومنتركها ليدوب الكلس ويصير رغوة بيضة عالوش
هلق منجيب وعاء كبير ومنحط فيه القرع الي قطعناه ومناخد الكلس من دون تحريك ومنسكبو فوق القرع لحتى يتغمر كل القرع بماء الكلس
ومنتركو لتاني يوم منقوع
هلق تاني يوم منغسل القرع منيح من الكلس ومنصفيه ومنحطو بالطنجرة ( يفضل تيفال ) ومنحط فوقو ماء .. الماء لازم يكون لعيار القطر
(كل كاسة سكر بدها نص كاسة ماء
يعني مثلا منحط 6 كاسات ماء منحتاج الها 12 كاسة سكر )
هلق منحط مثلا 6 كاسات ماء على اليقطين ومنتركهم يغلو غلوتين ليستوي شوي القرع شي دقيقتين
وهلق منضيف السكر عليهم (مثلا 12 كاسة)
لما يغلو منضيف عصير ليمون لحتى يتعقد القطر ومنتركهم يغلو على نار هادية لحتى يصير عنا مربى
فينا ناخد معلقة من القطر على جنب ونتركو يبرد لنشوفو اذا صار قوامو متل القطر واذا لقينا القوام زبط بيكون المربى جاهز)
رد مع اقتباس
