هنا

[مريم الحبيبه]

أه لو كنت قلماً لكنت كتبت حروف صمتي علي جدار تخفيها سنين
أه لو سمعت الحان حزني تعزفها بحور الحنين
أه لو ادمعت عيني تمسحها بئر جروح اليم

[مريم الحبيبه]

اياك اياك
ان تقول اذهبي
فأنا عاشقه حتي التعب اشعر بان يومي قداقترب فأرحمني ارحم قلبي المعذب
انا لا استطيع التحكم بقلبي
عيناي احاول ان اغمضها عنك
اذناي ربما لا تسمعك
اما قلبي فلا يعرف سوي ان يحبك ؟!

[مريم الحبيبه]

لا تلوموني اعله حبي
كلي غيره من الجدم حد الشعر
حبي حر مثل الطيور الساكنه اجمل براري
ومن جداول عشكي فايض للنهر
لا تلوموني اعله حبي

[مريم الحبيبه]

[ارجع يازمان]

صبري روحج لا تجين
اشما يطك بيها الحنين

احنه قصتنه نهوها
ابطعنة اكليبي الحزين!

جنه مانفترك لحظه
حته واحنه امودعين

هسه شوفي وين صرنه!
انتي وين وانه وين!!

اشبينه منشوف الحقيقه!
وبالاوهام امجلبين!!!

كلمن ايروح الطريقه
كافي نبقه امعذبين..

راح أظمَن ذكرى منج
جرح واهات وأنين...

وانتي ويه اجروحج ابقي
حتى بيهن تلتهين..

انتي مو تدرين جنه
اويانه شوك العاشكين!

يلله خل نتباره ذمه
اكبال رب العالمين

خاف جانت عيني وكحه!
ابليله بيها امساهرين,,

وخاف طالبتج ابطلبه
ومنها كلش تستحين!

وخاف وازاني عليج
ابفكرة ابليس اللعين!

وخاف ذبلتج أبأيدي
وانتي وردة ياسمين!

وخاف ضوجتك ابكلمه
ابيوم جنه امزاعلين!

انه سامحتج ابروحي
امشي لا تتاخرين..

طيحتلج كل جروحي
وكل دمع ذيج السنين
وأأأخ ياذيج السنين!!!
االساعدي

[مريم الحبيبه]

[ارجع يازمان]

عاندتني
وكوه جابتني اعله دربك,,
روحي بس رادت تكلك
انه
احبك,

[ارجع يازمان]

اشكد صعب
تدري هالشي ما يصير ,, وروحك اتجبرك غصب!
وتدري ما تلكه حبيبك,,, وترجع ابدمع اليصب!
وتدري ميلاكيك مره,, وما عفت ذاك الدرب,,
اشكد صعب,

[ارجع يازمان]

اني كتلك روح
هسه
ايصير
اكللك تعال؟
روحي ما تصفه اعله راي
وماخذه أطباع الجهال!!
والطفل
لازم نعذره
لان مابيها مجال!
تعاااااال

[ارجع يازمان]

هيه روحي الكوه جرتني عليك
رغم ما عود انه حالف ما أجيك!
كوه جابتني الصفحتك
تسئل اتريد اعله صحتك!
ابروحك احجي لا تراسلني بأديك,,
هيه روحي
والله روحي
كوه جرتني عليك,,,
االساعدي