جم غربه مرت بيك يحجولي عنهه
اصعبهه غربه ناس داخل وطنهه
عشت مرسال يم عميان
محد يعرف اشبيه
والساعي الخذاني بعيد
اخرس ما قرئ البيه
كلولهم
لوما اكو جيه بعد خاطر أعَرف اشلونهم
خلهم يجوني بالحلم مشتاك اشوف اعيونهم!
كلولهم
مخنوك كلش والهوه
من يختنك ماله دوه
خلهم يرجعون الضوه
لوما ترد
اضعونهم
؛؛
كلولهم
العين واليها الدمع
والونه صارت تنسمع
أذاني كلش هالوضع
مابيه
اعيش ابدونهم
كلولهم
حسين االساعدي
حبيبي ومهجتي ودنياي وأنته
تره المالوم صعب أهواي ونته
يصاحب تاه مني الكلب وانته
بس لو صادفك تلكاه اليه
فداك الروح يسمر من تعاني
واذب دمي بوريدك من تعاني
حياتي انت وحبيبي وانت عيني
واعز منك تري ماكو عليه
بردًا وسلامًا يا بلدي
طالما اتعرفين ضرفج
ما يصير اتكملي
ليش خليتيني أحبج
وانتي متصيرين الي!
صعبه نلعب بالمشاعر_نترك اجروح ونهاجر
ليش عفتي ديرة اهلج
جايه الديرة هلي!
وانتي متصيرين الي!
*****
اسنين ضاعت من عمرنه
بالوهم مو بالحقيقه
وندري بالشوك اليمرنه
باجر ايموت ابطريقه!
يعني صَدكنه ابحلم ماظن يصير_ونرسم الاروحنه لاسوء مصير
فاركيتيني القسمتج
وانه ذاك المبتلي
وادري متصيرين الي!
******
هيه مو هاي القضيه
لكن ابهذا الكلب
يدري متمرين اليه
وما رضه ايعوف الدرب!
عفتي مجنون ويَصدك بالخَيال--يعتقد يتحقق ابسابع مُحال
كمت أشك حتى ابدمعتج
والكلام الاولي
ليش خليتيني احبج
وانتي متصيرين الي!
حسين االساعدي
موبيدي هيه الروح تشتاك إلك حيل
رد مع اقتباس
