بعدك مانسيت! الهسه باوهامك!
عاين عالحقيقه واترك احلامك
امجلب بالحبيب الماتشوفه العين
ومتشوف الخذاك وكسر ابجامك!
بعيونك شمس! بس ما تريد اتشوف
وعينك على الماضي الضيع ايامك!
ولك كافي عذاب اعتبر حبك مات
والميت ميرجع يمشي كدامك
اجروحك ايتام ورايدات اطيب
وانته ابكل مسيه اتلجم ايتامك!
انسه الجاهليه وكَسر الاصنام
ليش الهل وكت ومكابل اصنامك!
ابهامك الوَقع ما تعوف الشوك
القسمه التجبرك تكطع ابهامك!
أأخ اشكد عنيد وماتمل النوح
وبايدك رضيت اتوقع اعدامك!
ولك ماضل أمل حتى انتظر ملكاك
ليش اعدم حياتي ابقسوة احكامك!
حبيتك صدك حسبالي اليه اتصير
والهامي ابشعر ويساجل الهامك
تالي القسمه كالت خالفيت الراي
ياصايم العيد اشفادك اصيامك!
اتهنى ابشبابك لا يجيك الشيب
مثلي وتنسبي وتتكاثر الامك!
اليحبك ينصحك مايدير العين
لو شافك تطيح وخانت اجدامك!
وانته وداعتك حتى اغله من الروح
وهاي الروح فدوه الفرحة ايامك
لكن ياحبيبي المن تزيد اجروح
اذا ماكو أمل لتغشك احلامك!
اذا ماكو أمل لتغشك احلامك!
االساعدي
اهنا يمن چنه اوچنت ما ردك الزاد وملح !؟
وان كسرت كلبك ونتي
تميت اسهر للصبح
سر حبك ابكلبي انخفه لاچني مريود افتضح
دمعي هتك سري واظهر لحبابي وأحبابك
اهنا يمن چنا وچنت بالكومه والكعده سوه
اذكر ليالي المضت وطعم انه ابحر التوه
حكم علي حبك تره وفرني
بدواليب الهوه
الله ما يعظم عليه أمصاب مثل امصابك
لشاعرها
المشكله المابيه جرح ما يفهم البي حسره !مرات تلكالك عدل بچفوفه يحفر كبره
إيهاب المالكي
تعرف غلاتك لو بعد يحتاج ابين اكثر
يالبيك لهاني العمر ما ركزت بيمن مر
يمكن اذا گتلي شكثر تهواني راح اتحير
اليل عدي محبتك بس باچر تزود اكثر
الادري بي من تبتعد مدري شحس بحيرتي
صدري حفر بي خنجر مگطوع شريان ابهر
يندفع شباچ الجفه وبالروح شي تكسر
اشتاگلك
بس الحچي المضموم الك يتبعثر
وبدون موج احتاجلك بالبر وحس بيك البر
مرات ادور الجيتي گبالك سبب يتفسر
وتلمحني احرك الخاتم وابدي ارتبك وتحسر
وهنا تحس بقيمته البس على شوفك يضطر
يفكت عيون الگلب يا ميزتي البيها انغر
مو رايدك واتنفسك لا يا نفس شي اكبر
يا روح ما تطلع مثل روح التموت من اكبر
اني اعرف بزعلك گبل ما تزعل وياي اگدر
والنوم يتركني وقت ما تنوي عينك تسهر
يا ريت كل هذا الحچي من اگعد گبالك يحضر
ونلتهي بعينك بعد تهمسلي حتى اتذكر
وياك اذا ما سولفت من الصمت لا تحذر
مرات مو كل الحچي يلم المشاعر يگدر
اني آمن التهوا صدگ تتنخه بي من تعثر
روحك علي تتگدر تنشف لحد ما يخضر
لو برد ملگاه تشتعل ورماد خلگك ينذر
وانت اعرف شلون اختنگ من نسمتك تتاخر
اگبل علي روجة عتب وتقرب تكون اخطر
بس ها عتب بس للمثل مو بالزعل تتاثر
تلگاني ناطر روجتك فارش جرف يتعذر
بس انت ردتك من چنت مابين الاحلام افتر
ومادامك بحضن الجفن چف النظر خل يگصر
روحي اتكلي اليوم افلانه
متاذيه وكلش تعبانه!
رادت تنساك وتتبعد
بس الشوك ايردها اهنانه!
مَجذب روحي اتحب روحج
واحساسي ابروحج حزنانه!
المن تذكرين الماضي
والماضي اتعذب ويانه!
صار اسنين وما مليتي!
ياورده الصارت ذبلانه
كل اشواك العالم خلصت
وانتي اشواكج ما خلصانه!
اتمنى اتصير ونتلاكه
بس ماكو صدفه الملكانه!
الوان الحُب عد الوادم
بس حُبنه الممسوحه الوانه!
المن ضلتنه ونتعذب
والمتعذبين انتي وانه
والخسرانين انتي وانه!
االساعدي
التعديل الأخير تم بواسطة ارجع يازمان ; 20/September/2019 الساعة 11:00 am
" أنا بخير شكراً لك " ..
هذا ما نقوله عندما لا نريد لعب دور الضّعف الجسدي، نقول إنّنا بخير حتى لو كنا نُحتضر.
ما يحلي النشر الا انته موجود لان مقصود انته بكل الإشعار
مو مهم علقوا لي انطوا إعجاب
المهم يوصلك عشقي المشتعل نار
تدري انه من اشوفك كلش ارتاح
اضل انشر لحن ما تعزفه أوتار
انتظر قلمك يعلق اول الناس
ينسي المستحي
وما يكتم اسرار
رد مع اقتباس
