دك بابي الفرح .. فد يوم
كمت للباب فكيتة
عاينت الوجه !!! مجهول
راجعت الفكر ؟؟ ملكيتة
وجهة .. جن بدر يزهي
أحلة من الحِسِن صيتة
منهو ياغريب إنتة .. بس إحجي .. ترجّيتة
* * *
كال آنة الفرح إسمي
أدور إعلة البشر ساعات
أنوْر كلوب مهمومة
أنشف عيون دمعات
أنوْم عيون سهرانة
أبرْد صدور حرات
أرد الضحكة لشفايف
عادتهة تذب حسرات
* * *
ناشدتة بضعيــــــــــــــف الصوت
عاتبتة باشد عتاب
بعديش الوكت جابك ؟
بعد الحيل ما غاب ؟
وسنيني الكظت مهضوم
هم آنة طفل .. هم شاب
وذياب الحزن والهم .. غرزت بالكلب أنياب
* * *
كال آنة ..... صحت بي صوت
إمشي يافرح مطرووووود
لا تُمُر بعد مِنّا
إمشي وبالك تعود
غريب ولا تدك بابي
أذبحك لو ترد إردود
أفكس عيونك الحلوات
وأصفع هاي الخدود
* * *
يبجي من القهر شفتة
ونار بكلبة حسّيتة
صدلي وبالعتب كلي
حتة الفرح بجّــيتة ؟؟
حتة الفرح بجّــيتة ؟؟
رد مع اقتباس
