یا وردة صبح یحبیبه لا تغفین
جبتلچ عطش مطاره
ودمعة موضع أصاحبي التهد الحیل
جبتلچ ساتر السهران
جبت شاجورنه الفحطان
جبت شوگي
وفرح شعبي واجیت ارکض العمر الباب
اجه التابوت سابگني بذر حزنه اعله گاع البیت
اذکر عش حمامه اهنا
وسالوفت عشگ واحلام بین الطوفه والمرزاب
اجیت ارکض یعمري اگلیبي صم اتراب
جدمي ایصیح یا طیبه
عیني اتصیح یحبیبه
شفت امي منارة وساجدة اعله الگاع
لگیت امي ابجرحهه زارعه النعناع
شفت امي عطفهه منگلب اصفر
لگیت امي ابعمرها امبخره الحرمل
یا شمعة محبه وفرح غبشة عید
أشمن ثوبچ التعبان
ابوسن جدمچ الهلکان
أقبل وجهچ الگاعد ابدربه الیل
یا وردة صبح یحبیبه لا تغفین
محمد رسن
رد مع اقتباس